Anton Siłuanaŭ
«Na piensijnaje zabieśpiačeńnie vializnyja srodki — 600 miljardaŭ rubloŭ ($9,5 młrd) u hetym hodzie, u nastupnym hodzie adzin tryljon, u nastupnym takija ž abjomy. Hrošy na praviadzieńnie śpiecapieracyi, vializnyja resursy taksama patrebnyja. Hrošy na padtrymku ekanomiki taksama patrebnyja hramadzianam, ahulny abjom tak zvanaha biudžetnaha stymułu, jaki my zapuścili ŭ ekanomiku, — vosiem tryljonaŭ rubloŭ ($127 młrd). Vielizarnyja srodki. Hetyja resursy nam patrebnyja, kab padtrymać ekanomiku, padtrymać našych hramadzian», — cytuje ministra «Interfaks».
Kankretnych sum, jakija iduć na vajnu, ministr nie nazvaŭ, ale vydańnie «The Moscow Times» piša na padstavie adkrytaj statystyki:
«Tak, u lutym na fonie padrychtoŭki kampanii, pierakidvańnia techniki i sił da miežaŭ vydatki vyraśli adnosna studzienia na 136 młrd rubloŭ, da 369 młrd. U sakaviku, kali vajna ŭvajšła ŭ aktyŭnuju fazu, ich pryjšłosia pavialičyć jašče na 81 młrd rubloŭ, da 450 młrd, a ŭ krasaviku — jašče na 178 młrd rubloŭ.
U siarednim vajennaja mašyna «źjadała» pa 21 młrd rubloŭ za dzień abo amal miljard rubloŭ za hadzinu. U vyniku biudžetu ŭžo nie chapaje srodkaŭ — jaho deficyt pieravysić 1,6 trłn rubloŭ».
