Fota: le.petite.colette / Instagram.
Jarkija kolery
Viasna pakul jašče ŭ samym pačatku, ale ŭžo dakładna možna skazać, što my budziem nasić u hetym siezonie. Paśla chałodnaj i ciomnaj zimy chočacca jarkich farbaŭ, i dyzajniery ŭličyli heta, piša lamoda.pl.
Ciapier na palicach kramaŭ možna znajści viasnovyja kurtki ŭ nasyčanych kolerach fuksii, łajma i ŭ błakitnym kobaltavym. Siarod samych papularnych madelaŭ jość i padšyvanyja kurtki — dobry vybar dla žančyn luboha ŭzrostu. Jany zrobiać vobraz bolš jarkim, a samoha čałavieka — źniešnie bolš maładym.
Pastelnyja kolery
Kali jarkaja koleravaja hama — heta nie vaša, dyzajniery majuć i bolš dalikatnyja prapanovy. Jak kažuć ekśpierty Instytuta kolera Pantone, samy modny koler 2022 hoda — Very Peri, adcieńnie fijaletavaha na miažy z błakitnym. Voś čamu fijaletavaja padšyvanaja kurtka stanie dobrym vybaram hetaj viasnoj, ale ž nie admaŭlajciesia i ad inšych pastelnych koleraŭ.
Dyzajniery prapanujuć jak bolš karotkija i lohkija madeli, tak i bolš ciopłyja, u jakich budzie utulna ŭ chałodnaje nadvorje.
Kłasičnyja madeli
Tyja, chto lubić minimalizm, mohuć spynicca na kłasičnych madelach i kolerach padšyvanych kurtak. Vybirajcie strymanyja ci niejtralnyja kolery — naprykład, bežavy, bieły ci čorny.
Spadnicy viartajucca ŭ trendy. Jakija musova mieć u šafie ŭ 2022 hodzie?
