Žury premii Natalli Arsieńnievaj vyznačyłasia z karotkim śpisam pretendentaŭ na ŭznaharodu, paviedamlaje Budzma
U jaho ŭvajšli 3 knihi:
Danuta Bičel-Zahnietava «Huski viartajucca». Vydaviectva «JurSaPrynt», Hrodna.
Volha Hapiejeva «Čornyja maki». Vydaviectva «Halijafy», Minsk.
Andrej Chadanovič «Škoła travy». Vydaviectva «Knihazbor», Minsk.
Cyrymonija ŭznaharodžańnia, na jakoj budzie nazvany pieramožca premii, adbudziecca anłajn (dzień i čas udakładniajucca). Pieramožca premii atrymaje hrašovy pryz.
U žury premii Natalli Arsieńnievaj sioleta ŭvajšli: paet i zahadčyk litaraturnaha muzieja Maksima Bahdanoviča Michaił Baranoŭski, paetka, pierakładčyca, kandydat fiłałahičnych navuk, vykładčyca suśvietnaj litaratury Volha Hronskaja, paet, litaraturaznaŭca, archivist, kandydat fiłałahičnych navuk Viktar Žybul, litaraturaznaŭca, doktar fiłałahičnych navuk, vykładčyca Anžeła Mielnikava, paetka, bard, vykładčyca biełaruskaj movy i litaratury Lera Som.
Arhanizatary premii: Biełaruski PEN-centr, HA «Sajuz biełaruskich piśmieńnikaŭ» i Zhurtavańnie biełarusaŭ śvietu «Baćkaŭščyna». Uznaharoda ŭručajecca pry padtrymcy Fonda kultury i adukacyi Orsa-Ramana i Charytatyŭnaha fonda Zhurtavańnia biełarusaŭ Vialikaj Brytanii.
