Biełaruski PEN-Centr abviaščaje tvorčy konkurs dla maładych litarataraŭ. Jon prymierkavany da 75-hodździa z dnia naradžeńnia Karłasa Šermana.
Da ŭdziełu zaprašajucca tvorcy ad 16 da 27 hadoŭ (na momant abviaščeńnia konkursu). Łaŭreaty konkursu buduć zaprošanyja na litaraturny sieminar i majstar-kłasy ŭ Minsk, dzie zmohuć pradstavić i abmierkavać svaje tvory ź viadomymi piśmieńnikami, vykładčykami, vučonymi.
«Na konkurs prymajucca litaraturnyja tvory tych žanraŭ, jakimi byŭ słaŭny Karłas Šerman, a mienavita vieršy, ese, mastackija pierakłady, — kaža kuratar konkursu i staršynia Biełaruskaha PEN-centru Andrej Chadanovič. — Taksama, u suviazi z tym, što sioleta my adznačajem 200-hadovy jubilej Edhara Ałana Po, dla maładych pierakładčykaŭ ŭviedzienaja śpiecyjalnaja naminacyja «pierakład adnaho tvora E.A.Po».
Da razhladu buduć prymacca tvory, dasłanyja (pavodle daty na paštovym štempeli abo daty adpraŭki elektronnaha lista) nie paźniej za 20 sakavika 2009 h. Padviadzieńnie vynikaŭ pieršaha turu adbudziecca 20 krasavika.
Tvory možna dasyłać na adras: e-mail: [email protected] (z paznakaj «Litaraturny konkurs»). Paštovy adras: 220050, a/s 218, Minsk, RHA «Biełaruski PEN-Centr». Daviedki praz elektronnuju poštu ci telefon (017) 284-73-29.
