Zdareńnie adbyłosia 16 kastryčnika ŭ sanatoryi «Sasnovy Bor», što pad Radaškovičami. Tam adpačyvaŭ 39-hadovy žychar Alachnovičaŭ, da jaho pryjechaŭ 30-hadovy siabar. Dziaŭčyna, što viała dyskateki ŭ sanatoryi, paskardziłasia mužčynam, što adzin z adpačyvalnikaŭ, 58-hadovy minčuk, pavodzić siabie pa-chamsku, pravakuje kanflikty, prystaje da žančyn, abražaje, piša mlyn.by
Alachnovičuki padyšli da minčuka, zrabili jamu zaŭvahu i prapanavali vybačycca pierad žančynaj, jakuju jon pakryŭdziŭ. Toj pahadziŭsia. Skazaŭ, što pryniasie svaje prabačeńni. Ale praź niekalki chvilin minčuk uziaŭ kala barnaj stojki dźvie šklanki z napojami i padyšoŭ da stolika mužčyn. Adnoj šklankaj jon ŭdaryŭ u voka 30-hadovamu. Ad udaru šklanka raźbiłasia. Druhoj sprabavaŭ udaryć jaho 39-hadovaha siabra, adnak nie daciahnuŭsia da jaho i ŭpaŭ na stoł.
30-hadovy žychar Alachnovičaŭ pazbaviŭsia voka. Chulihan byŭ zatrymany, jaho sudzili pa treciaj častcy artykuła «Asabliva złosnaje chulihanstva».
U vyniku jon atrymaŭ piać z pałovaj hadoŭ kałonii va ŭmovach ŭzmocnienaha režymu. Akramia hetaha, abaviazany vypłacić paciarpiełamu materyjalnuju kampiensacyju ŭ 20 tysiač rubloŭ.
