@eosnos
Žurnalist New Yorker Evan Osnas raptam daviedaŭsia, što jaho płanšet Apple iPad zabłakavany na bližejšyja 48 hadoŭ. Heta adbyłosia paśla taho, jak mužčyna pakinuŭ svajho trochhadovaha syna sam-nasam z pryładaj, paviedamiŭ jon u tvitary.
Osnas źviarnuŭsia da padpisčykaŭ pa paradu. «Em, heta padobna na fiejk, ale tak vyhladaje siońnia naš iPad, paśla taho jak jaho (šmatkroć) sprabavała razbłakavać trochhadovaje dzicia. Jość idei?» — napisaŭ jon. Da publikacyi žurnalist prykłaŭ fatahrafiju, na jakoj pakazana, što iPad zabłakavany i budzie dastupny dla ŭvachodu tolki praz 25 miljonaŭ 536 tysiač 442 chviliny.
Mnohija pastaralisia padkazać žurnalistu varyjanty vyrašeńnia prablemy. Čaściej za ŭsio zhadvałasia nieabchodnaść pieraŭstalavać apieracyjnuju sistemu na płanšecie i adnavić dadzienyja z reziervovaj kopii. Ale niekatoryja prapanavali nie śpiašacca z adnaŭleńniem i pačakać 48 hadoŭ. Adzin z karystalnikaŭ pažartavaŭ, što takim čynam u baćki jość vydatny padarunak na 52-hodździe syna.
