Piatro Parašenka ŭ efiry ŭkrainskaha telebačańnia vyklikaŭ svajho supiernika, Uładzimira Zialenskaha na debaty 14 krasavika.
«14 krasavika, u nastupnuju niadzielu ja na Respublikanskim stadyjonie (NSK «Alimpijski»), mienavita tam, dzie prapanavaŭ spadar Zialenski, čakaju jaho dla praviadzieńnia debataŭ. Dumaju, 19:00 ci 20:00 budzie aptymalnym časam. Ja zaprašaju i hledačoŭ, i ŭsie kanały, dla taho, kab debaty byli praviedzieny, jak hetaha chacieŭ Uładzimir Zialenski, kab nie dać jamu admovicca ad hetaj prapanovy», - zajaviŭ Parašenka publična.
Pieršapačatkova debaty dvuch kandydataŭ płanavalisia na 19 krasavika. Adnak 6 krasavika stała viadoma, što na daty z 19 pa 21 krasavika na «Alimpijskim» užo zapłanavana inšaje mierapryjemstva — knižnaja sustreča «Viasnovy knižny Miedvin», z-za jakoj datu debataŭ pryjdziecca pieranieści.
