25 sakavika 61-hadovaja Siesil Eledž naradziła ŭłasnuju ŭnučku — dačku jaje syna Mećju Eledža i jaho muža — Elijata Dohierci, paviedamlaje Reuters.
Mećju Eledž i Elijot Dohierci ŭziali šlub niekalki hadoŭ tamu i vyrašyli zavieści dzicia. Pry hetym jany žyvuć u kansiervatyŭnaj Niebrascy.
Siesil Eledž prapanavała im stać surahatnaj maci dla ich dziciaci.
«Ja prosta nikoli nie vahałasia. Ja była takaja ŭschvalavanaja, što zmahu stać častkaj hetaj pryhody razam ź imi… Heta była prosta biezumoŭnaja luboŭ», — kaža jana.
Kali hetaja prapanova ŭpieršyniu prahučała, Siesil Eledž było 59 hadoŭ, i ŭ siamji jaje ŭspryniali jak žart. Bolš za toje, žančyna ŭžo była ŭ mienapaŭzie. Adnak lekar-repraduktołah skazaŭ, što taki varyjant mahčymy. Treba było tolki znajści donara jajcakletki. Im stała siastra Dohierci Li Jrybie.
Ciažarnaść praciakała biez prablem.
Na fota Elijot Dohierci kormić svaju dačku, jakuju nazvali Uma-Łuiza.
