Ažno čatyry dni fiestyval intelektualnaj knihi «Pradmova» praciahniecca ŭ Minsku.
Kala sotni imprezaŭ, jakija z 4 pa 7 krasavika buduć non-stop adbyvacca adrazu na niekalkich placoŭkach kulturnaha chaba OK16 (vuł. Kastryčnickaja, 16).
Kipučy kancentrat paezii, prozy, knižnaha mastactva i biełaruskaha myśleńnia.
Samaje cikavaje ad vydaviectva «Halijafy»:
5 krasavika, piatnica
ZONA A — 12.30-13.00
Aleś Byčkoŭski «Dabradziei i harmidar kvantavaj litaratury»
Prezientacyja knihi, razmova z aŭtaram i aŭtohraf-siesija.
Anamalnyja źjavy, vaŭkałaki, tahaśvietnyja pačvary pad abliččam vabnych pryhažuń dy inšaje ŭ novym zborniku biełaruskaha prazaika Alesia Byčkoŭskaha «Dabradziei i harmidar kvantavaj litaratury».
ZONA A — 13.00-13.30
Anatol Astapienka «Muza sabačaha skvieru»
Prezientacyja knihi, razmova z aŭtaram i aŭtohraf-siesija.
U prapanavanaj knizie, jak i ŭ papiaredniaj «Miž śvietam tym i hetym», tajamničy aŭtar «Siniaj knihi biełaruskaha ałkaholika» Anton Kułon vystupaje ŭžo ŭ roli nie aŭtara, a apaviadalnika.
ZONA B — 16.00-17.10
«Žanočaja litaratura: źmiena paradyhmy»
Dyskusija pra sučasnuju žanočuju litaraturu, jaje prablematyku, toje, jak źmianiajecca jana i jaje ŭspryniaćcie socyumam, čytačkami i čytačami. Dośvied piśmieńnicy i paetki. Udzielnicy: Alena Brava, Sofi Oksanien, Julija Cimafieva, Anka Upała. Maderatarki: Volha Hapiejeva i Iryna Sałamacina. Pierakładčyca: Nadzieja Kandrusievič.
Volha Hapiejeva «Čornyja maki»
U miežach fiestyvalu kniha budzie pradstaŭlena na stendzie «Halijafy». Paśla dyskusii možna ŭziać aŭtohraf u aŭtarki.
«Čornyja maki» — heta knižka-piarevaracień, knižka-interpretacyja, miesca, dzie spałučajucca sistemy, jakimi my sprabujem niešta patłumačyć, kab možna było žyć dalej.
ZONA B — 18.00-18.45
Alena Brava «Sadomskaja jabłynia»
Prezientacyja knihi, tvorčaja razmova z aŭtarkaj i aŭtohraf-siesija.
U novym tvory aŭtarki pravakacyjnaha ramana «Mienada i jaje satyry» televiadoŭca Inha Kurodym viadzie svoj pryvatny repartaž, poŭny horkaha sarkazmu, z epicentra «zvyčajnaj nadzvyčajnaj situacyi», dzie žančyny — «zručnyja čałaviekaadzinki štatnaha raskładu».
6 krasavika, subota
ZONA B — 17.00-17.30
Nadziejaj Jaśminska «Dom cikaŭnych kazak»
Interaktyŭnyja čytańni.
«Dom cikaŭnych kazak» - heta składanka karotkich historyj piśmieńnicy Nadziei Jasminska z šykoŭnymi papiarovymi ilustracyjami mastački Aleny Sacuta. Hieroi ŭ joj sustrakajuć niezvyčajnych haściej, prychodziać na dapamohu dziŭnym nieznajomcam i navat apynajucca ŭ roznych cikavych miescach, nie pakidajučy svajho pakoja.
7 krasavika, niadziela
ZONA B — 17.00-17.45
Elžbieta Inieŭska «Juzaf Piłsudski. Kresavyja apoviedy»
Prezientacyja knihi, miedyjaprezientacyja fotazdymkaŭ epochi i aŭtohraf-siesija.
«My addajom u vašyja ruki niezvyčajnuju knihu — staronki padarožžaŭ Maršała Juzafa Piłsudskaha na ziemli ciapierašniaj Biełarusi, upryhožanyja ŭnikalnymi fotazdymkami, aniekdotami, kurjozami…
U prahramie fiestyvalu mohuć być źmieny. Sačycie za abnaŭleńniami tut.
Pryvatnaje pradpryjemstva «Halijafy» UNP 190883852