Vypadak adbyŭsia 15 studzienia ŭ Vilejskim rajonie kala vioski Iljanskija Chutary a 8.30 ranicy, piša kraj.by.
Zdareńnie adbyłosia na 71-m kiłamietry darohi Minsk — Kałačy — Miadzieł. 24-hadovy žychar Pastavaŭ jechaŭ na svaim «Fijacie» ŭ kirunku Minska. 54-hadovy miascovy žychar išoŭ pa abočynie nasustrač. Kiroŭca bačyŭ piešachoda, a piešachod bačyŭ mašynu.
«Fijat» raźminuŭsia z sustrečnym aŭtamabilem, skinuŭ chutkaść i pačaŭ abjazdžać piešachoda. U hety momant toj paśliznuŭsia i zvaliŭsia prosta na mašynu.
Paciarpieły atrymaŭ zakrytuju čerapna-mazhavuju traŭmu lohkaj stupieni. Jaho špitalizavali ŭ traŭmatałahičnaje adździaleńnie balnicy.
— Ničoha strašnaha tam nie zdaryłasia. Kali b nie hetaja traŭma, mužčyna naohuł nie mieŭ patreby ŭ špitalizacyi. A tak praviadzie ŭ lakarni nie mienš za 10 dzion, — adznačyŭ inśpiektar Vilejskaha RAUS Pavieł Cierach.
