Kniha pryśviečana 210-hodździu biełaruskaha kłasika i źmiaščaje novyyja i małaviadomyja fakty ź jaho bijahrafii, a taksama źviestki pra jaho rodnych i blizkich dy ich čas. Ale heta i kniha pra Biełaruś — pra našu historyju, napisanaja biełarusam dla biełarusaŭ.
Kniha ŭvodzić u navukovy zvarot dziasiatki novych faktaŭ i dakumientaŭ z žyćcia «samaha vyvučanaha biełaruskaha kłasika», šmat ź ich (z archivaŭ Biełarusi, Polščy, Litvy i Rasii) apublikavanyja ŭ «Tajamnicach…» upieršyniu.
Aŭtar rujnuje mnohija mify, stvoranyja jašče pad upłyvam savieckaj ideałohii. Asprečvaje ci ŭdakładniaje źviestki, jakija ŭžo trapili ŭ encykłapiedyi i padručniki. Značna pašyraje hieahrafiju, źviazanuju ź siamjoj Marcinkievičaŭ: Vilnia, Hłusk, Słuck, Słonim…
Čytač «Tajamnic…» atrymaje adkazy na pytańni, jakija stahodździe nie mieli adkazaŭ. Ci byŭ Marcinkievič «Duninym»? Ci byli jaho prodki datčanami? Ci možna vieryć jahonamu i ŭvohule lubomu dvaranskamu radavodu? Jak, kali i za što jon traplaŭ u turmu? Ci vykradaŭ jon svaju niapoŭnahadovuju niaviestu?…
Adkazy na hetyja pytańni, a taksama novyja fakty i dakumienty stvarajuć zusim novy, značna bolš sučasny, cikavy i abjektyŭny vobraz V. Dunina-Marcinkieviča.
RUP «Akademičnaja kniha» UNP 101462648
