Ad Redaktara. Tak šmat naviednikaŭ pračytali vystaŭleny ŭ 78-y dzień naradžeńnia Karatkieviča vierš «Zajac varyć piva», što my vyrašyli zładzić u rubrycy «Litaratura» Tydzień Karatkieviča. Publikujem jahonyja dobryja i trochi padzabytyja tvory. Byli «Biełaruskaja pieśnia» i «Paviešanym 1863 hodu». A siońnia — vierš z trochi paradaksalnym začynam. Pamiataju, jak u hodzie 2001-m ja bačyŭ, jak niechta raskleiŭ hety vierš, razdrukavanym na mašyncy, na słupach u centry Miensku.
* * *
Možna ŭsio: puścić kachańnie dymam,
Ŭziać i zaniadbać minuły šlach.
Ale tolki nie lubić Radzimy
Z čornaju paviazkaj na vušach,
Z čornaju paviazkaju na vusnach,
Z čornaju paviazkaj na vačach.
Tolki słuchać słovy niezdradlivyja,
Tolki nie tłumić jaje manoj,
Bo adnym my vinny, pakul žyvy,
Pierad našaju vialikaj nivaj:
Praŭdaj abaviazany my joj.
Iścinaj.
Adzinaju.
Adnoj.
* * *
Čytajcie štodzionna ŭ rubrycy «Litaratura» na sajcie NN tvory i minijatury. Dla serca, dla rozumu, dla movy.
0
0
0
0
0
0
