Ministr zamiežnych spraŭ Biełarusi Uładzimir Makiej vykazaŭ spačuvańni svajmu rasijskamu kalehu Siarhieju Łaŭrovu ŭ suviazi z zabojstvam pasła Rasii ŭ Turcyi Andreja Karłava, paviedamlaje ŭ tvitary pres-słužba biełaruskaha źniešniepalityčnaha viedamstva.
MZS Biełarusi asudziŭ «varvarski i podły napad na rasijskaha pasła». «Rašuča asudžajem varvarski terakt, achviaraj jakoha staŭ pasoł Rasii ŭ Turcyi A.Karłaŭ. Spačuvajem blizkim. Teroru niama apraŭdańnia», — padkreślivajecca ŭ paviedamleńni MZS.
Zamach na Andreja Karłava byŭ učynieny ŭviečary 19 śniežnia ŭ Ankary na adkryćci fotavystavy. Padčas napadu akramia dypłamata, u jakoha napadnik stralaŭ ź pistaleta, paciarpieli jašče try čałavieki. Złamyśnik byŭ zastreleny palicyjaj na miescy.
Andreja Karłava špitalizavali z ahniastrelnym ranieńniem. Paźniej MZS Rasii paćvierdziła jaho hibiel.