Hramadskaja rada pry Ministerstvie ŭnutranych spraŭ pačała pracu ŭ novym składzie. Daradčy orhan uklučaje ŭ siabie 20 čałaviek na čale sa staršynioj Biełteleradyjokampanii Hienadziem Davydźkam.
U składzie rady pradstaŭniki roznych arhanizacyj i śfier. Naprykład, śpiavačka Iryna Darafiejeva, redaktar «Savieckaj Biełarusii» Pavieł Jakubovič, chirurh Aleh Rumo.
U paraŭnańni z papiarednim «sklikańniem» u radzie źjavilisia niekalki novych asobaŭ. Heta vice-śpikier savieta respubliki Anatol Rusiecki, dyrektar Nacyjanalnaj biblijateki Raman Matulski, dyrektar muzieja historyi Vialikaj Ajčynnaj vajny Mikałaj Skobieleŭ, deputat Hienadź Palčyk, režysior Andrej Hołubieŭ. A taksama staršynia Sinadalnaha adździeła BPC pa ŭzajemadziejańni z Uzbrojenymi Siłami i inšymi vajskovymi farmiravańniami Biełarusi protaijerej Siarhiej Kuźmiankoŭ, jaki faktyčna zaniaŭ miesca prataijereja Fiodara Poŭnaha.
Skład rady taksama pakinuli himnastka Maryna Łobač, dyrektary «Naftana» i «Biełaruśkalija» i inšyja asoby.
