Futbalistki FK «Minsk». Fota «Priessboła».
Biełaruski kłub adziny ŭ Jeŭropie zabiaśpiečyŭ sabie pucioŭku ŭ 1/16 finału ŭžo paśla dvuch matčaŭ. U kvalifikacyjnym hrupavym raŭndzie staličnyja futbalistki lohka raspravilisia z tureckim «Konakam» (Konak Belediyespor). Nakałacili jamu 10 hałoŭ i prapuścili tolki adnojčy. Razhramili z adnolkavym likam 3:0 baśnijski «Sarajeva-2000» (WFC SFK 2000 Sarajevo) i ałbanskuju «Ułaźniju» (Vllaznia).
20 žniŭnia a 14:30 u štab-kvatery UEFA prajšło losavańnie 1/16 finału rozyhryšu žanočaj Lihi Čempijonaŭ. Futbalistki FK «Miensk» sustrenucca z dackaj «Fartunaj» (Fortuna Hjørring), jakaja ŭ top-7 najbolš rejtynhavych kłubaŭ Jeŭropy. Dziejny čempijon i najbolš tytułavany kłub žanočaj ŁČ, niamiecki «Frankfurt» (FFC Frankfurt), zhulaje ź bielhijskim «Standardam» (Standard Liège). Pieršyja matčy adbuducca 7/8 kastryčnika, druhija — 14 i 15 kastryčnika.
