Fota tut.by.
Užo ŭ samym pačatku hulni treciaha kvalifikacyjnaha raŭnda Lihi Jeŭropy minskaje «Dynama» prapuściła. Naša abarona nie ŭsačyła za tuniskim lehijanieram «Ciurycha» Šermici – 0:1.
Heta jakraz toj samy lik, ź jakim minčuki viarnulisia tydzień tamu z Šviejcaryi. To bak kamandy znoŭ akazvalisia ŭ roŭnych umovach. A hulać zastavałasia jašče cełyja dva tajmy.
U asnoŭny čas bolej zabitych hałoŭ u Breście (u Minsku niama dobraha stadyjona, kab prymać takija sustrečy) tak i nie pabačyli. A ŭ druhim dadatkovym tajmie, kali da sieryi pienalci zastavałasia chvilin piać, Fatas Biečyraj prynios «Dynama» ničyju i vychad u nastupny raŭnd – 1:1.
Biečyraj zabiŭ paśla rozyhryšu kutniaha. Heta ŭžo čaćviorty miač čarnahorca ŭ čatyroch hulniach sioletniaj Lihi Jeŭropy.
Darečy, admietna, što ŭčora pieramohu barysaŭskamu BATE nad vienhierskim «Videatonam» prynios taksama čarnahorac Niemańja Nikalič. Prosta čarnahorskija dni ŭ biełaruskim futbole.
Da hrupavoj stadyi Lihi Jeŭropy minskamu «Dynama» zastajecca zrabić adzin krok. Nastupnaha supiernika biełarusy daviedajucca zaŭtra.
