Partyzanskim (Minska) rajonnym adździełam Śledčaha kamiteta raspačataja kryminalnaja sprava ŭ dačynieńni da 25-hadovaha niepracujučaha minčuka, jaki abvinavačvajecca ŭ niezakonnym abarocie psichatropnych rečyvaŭ.
Jak paviedamiŭ aficyjny pradstaŭnik upraŭleńnia SK pa Minsku Alaksandr Hierasimaŭ, małady čałaviek byŭ zatrymany supracoŭnikami Kastryčnickaha RUUS z dokazami złačynstva padčas ažyćciaŭleńnia zakładak u žyłych damach na vulicy Staletava. Pry asabistym dahladzie ŭ jaho kanfiskavana 11 kantejnieraŭ ź psichatropnym rečyvam jak u vyhladzie paraška, tak i kurylnaj sumiesi. Jašče 40 kantejnieraŭ znojdziena ŭ aŭtamabili. Jon taksama pakazaŭ miescaznachodžańnie jašče troch schovanak, u jakija paśpieŭ źmiaścić zabaronienyja preparaty.
U vyniku dalejšych śledčych dziejańniaŭ i apieratyŭna-vyšukovych mierapryjemstvaŭ vyjaŭlena, što psichatropnyja rečyvy zatrymany rasfasoŭvaŭ ŭ haražy, pra što śviedčać znojdzienyja tam reštki reahientaŭ i ŭpakovačnyja materyjały.
Dziejničaŭ narkakurjer kala dvuch miesiacaŭ pa ŭžo viadomaj schiemie, z vykarystańniem internetu. Źjaŭlajučysia kančatkovym źvianom u złačynnym łancužku, z pracadaŭcami mieŭ znosiny tolki virtualna. «Zarobak» «jamu pieraličvali na kart-rachunak adnaho z bankaŭ.
Vybar niezakonnaha pola dziejnaści minčanin patłumačyŭ imknieńniem chutka zarabić srodki dla zabieśpiačeńnia siamji. U jaho maładaja žonka i dvoje maleńkich dziaciej, adzin ź jakich naradziŭsia niekalki dzion tamu.
Maładomu čałavieku pradjaŭlenaje abvinavačvańnie ŭ ździajśnieńni złačynstva, praduhledžanaha č. 3 art. 328 KK. Jon zaklučany pad vartu.
Vyśviatlajucca abstaviny ŭčynienaha złačynstva, mahčymaje dačynieńnie abvinavačanaha da inšych faktaŭ supraćpraŭnaj dziejnaści. Rečavyja dokazy nakiravanyja dla praviadzieńnia ekśpiertyz.
