Fota z aficyjnaha sajta «Videatona», vidi.hu
Supiernikam BATE u 3-m kvalifikacyjnym raŭndzie futbolnaj Lihi čempijonaŭ budzie vienhierski «Videaton» ź Siekiešfiechiervara, jaki pa sumie dvuch matčaŭ prajšoŭ valijski «Ńju-Sejnts».
Siońnia kamandy ŭ Vienhryi zhulali ŭničyju — 1:1 (z dadatkovym časam). Ale tydzień tamu «Videaton» u haściach pieramoh valijcaŭ ź likam 1:0 i tamu kročyć dalej.
Pieršyja matčy 3-ha raŭndu projduć 28—29 lipienia, hulni ŭ adkaz — 4-5 žniŭnia. BATE pieršy matč hulaje na vyjeździe.
Pieramožca dvuboju BATE — «Videaton», jak minimum, traplaje ŭ hrupavy raŭnd Lihi Jeŭropy i pazmahajecca ŭ płej-of kvalifikacyi Lihi čempijonaŭ za vychad u hrupavy raŭnd hetaha prestyžnaha turniru.
Razam z tym kamanda, što prajhraje ŭ dueli BATE — «Videaton», vystupić u płej-of kvalifikacyi Lihi Jeŭropy za prava hulać u hrupavym raŭndzie hetaha turniru.
