Hiermanija płanuje pavialičyć svoj vajenny biudžet na 6,2% na praciahu nastupnych piaci hadoŭ u adkaz na rost niestabilnaści ŭ śviecie.
Pra heta paviedamlaje Reuters sa spasyłkaj na krynicy ŭ niamieckim uradzie.
Upieršyniu za amal paŭstahodździa niamiecki ŭrad moža pavialičyć takija vydatki. Urad pavinien abmierkavać siarednieterminovy biudžet u sieradu.
Pavodle infarmacyi krynicy, abaronny biudžet vyraście na 1,2 młrd jeŭra ŭ 2016 hodzie, da 34,2 młrd i u 2019 hodzie pavinien skłaści 35 młrd jeŭra, što dazvolić uvasobić płany pa madernizacyi armii.
Dadatkovyja srodki taksama buduć spryjać bolš aktyŭnamu ŭdziełu Hiermanii ŭ sumiesnych vučeńniach z NATA ŭ adkaz na rost napružanaści pamiž Rasijaj i Zachadam.
Pakul tolki try krainy z 28 členaŭ NATA dasiahnuli metavaha raschodavańnia nie mienš za 2% ad VUP — heta Vialikabrytanija, ZŠA i Hrecyja. Lidary krain Aljansu ŭ minułym hodzie va Uelsie damovilisia iści da hetaj mety.
