Mašynist i jaho pamočnik, jakija sprabavali zadušyć łakamatyvam buraha miadźviedzia pad Narylskam (Rasija), zvolnienyja paśla praviadzieńnia słužbovaj pravierki.
Amatarski videazapis zdareńnia, źniaty mašynistam z kabiny ciepłavoza, byŭ vykładzieny ŭ internet u pačatku śniežnia. Na im vidać, jak miadźviedź biažyć pa čyhunačnych rejkach, a pamočnik mašynista hučna padbadziorvaje: «Dušy jaho!», — nie dajučy žyviolinie papieradžalnych sihnałaŭ.
Rolik vyklikaŭ burnuju reakcyju ŭ sacyjalnych sietkach, i Zachodnie-Sibirskaja transpartnaja prakuratura abviaściła ab praviadzieńni pravierki, vyniki jakoj byli apublikavanyja ŭ paniadziełak, 9 lutaha.
«Pa vynikach razhladu pradstaŭleńnia prakuratury pracoŭnyja damovy z mašynistam ciepłavoza i jaho pamočnikam skasavanyja», - havorycca ŭ paviedamleńni na sajcie prakuratury.
Akramia taho, abodva čyhunačniki aštrafavanyja na sumu 2 tysiačy rasijskich rubloŭ kožny (460 tys. biełaruskich).
«U chodzie pravierki vyśvietlena, što miadźviedź zmoh paźbiehnuć sutyknieńnia ź ciahnikom i źbieh», — śćviardžaje prakuratura.
