Niekalki tydniaŭ tamu śviet pabačyła pieršaje intervju pryznačana- ha ministra adukacyi, byłoha vice-rektara BDU Žuraŭkova Michaiła. Siarod pieršačarhovych metaŭ jon stavić dałučeńnie da Bałonskaha pracesu ŭžo ŭ 2015 hodzie. Biełaruś užo nie adzin hod sprabuje atrymać status dziaržavy-ŭdzielnicy Bałonskaha pracesu. Ale ŭsio nijak. Čamu?
Raspaviadu jak čałaviek, ciesna źviazany z vyšejšaj adukacyjaj.
Pa-pieršaje, heta ludzi. Nichto nie zmoža i nie zachoča pryniać u praces krainu, u jakoj ad 40 da 70% studentaŭ atrymlivajuć adukacyju «dla korački».
Pa-druhoje, rola ŭniviersiteta ŭ sučasnaj adukacyi. U bolšaj kolkaści krain «adukacyja — heta vučeńnie vučycca ŭ čas hi-tech», a ŭ nas na dadzieny momant — heta kantralujučy orhan (univiersitet), jaki nie abaviazany davać viedy, a pavinny kan- tralavać toje, jak student ich zasvoiŭ z padručnikaŭ 50—60-ch hh. minułaha stahodździa.
Treciaja pryčyna — sastarełyja prahramy. Nielha kazać, što jany kiepskija. Varta kazać, što jany nie adpaviadajuć sučasnym zapytam praktyčnych viedaŭ.
Adna z hałoŭnych pryčyn — samakiravańnie. Dakładniej, jaho adsutnaść. U studentaŭ absalutna paralizavany studenckija prafsajuzy, jakija nie robiać ničoha, kab abaranić pravy navučencaŭ. Kiepski raskład zaniatkaŭ? Śpieckursy na vybar prymusovyja? Abarony niama! Ale hrošy ad kožnaha «čalca» laciać u kaznu prafsajuza kožny miesiac. A čalcy adzinaha prafsajuza — usie. Prymusova. Adzinaja arhanizacyja samakiravańnia — BRSM. Biezalternatyŭnaja. Heta, na moj pohlad, tolki niamnohija z tych hałoŭnych pryčyn, jaki jość na dadzieny momant. Tamu, jak zdajecca studenckaj supołcy BDU, spadar Žuraŭkoŭ paharačyŭsia.
