Razam ź biełaruskim BATE ŭ čarhovym abnaŭleńni źjaviacca kłuby Marybar (Słavienija), Baziel (Šviejcaryja) i Biešyktaš (Turcyja), za ich možna budzie zhulać u Lizie čempijonaŭ.
Kłub adznačaje padabienstva formy i tvaraŭ hulcoŭ da realnaści.
Sieryja Pro Evolution Soccer znachodzicca ŭ pastajannym zmahańni za sercy hiejmieraŭ z hulniami EA Sports sieryi FIFA. U PES čaściej za ŭsio ŭźnikajuć prablemy ź licenzavańniem viadomych kłubaŭ, lih i stadyjonaŭ (naprykład, u PES 2015 anhlijskija i italjanskija kłuby majuć vydumanyja nazvy). Heta advablivaje peŭnuju častku hulcoŭ, niekatoryja ž, niahledziačy na toje, ličać PES lepšaj za FIFA. Acenki PES 2015 u siarednim vyšej za FIFA 15 pavodle GameRankings.
BATE redka źjaŭlajecca ŭ futbolnych simulatarach, ale biełaruskaja futbolnaja liha ŭžo mnoha hod prysutničaje ŭ simulatarach mieniedžara Football Manager, a časam i FIFA Manager.