Padrychtoŭka da zapusku Dragon. Fota: SpaceX
Mieniedžar kaśmičnaj prahramy NASA Keci Luderz raspaviała, što prykładnaja cana adpraŭki astranaŭta na MKS na karablach SpaceX Dragon i Boeing CST-100 składzie 58 młn dalaraŭ. Tym časam Raskosmas biare pa 71 młn za dastaŭku astranaŭta na arbitu.
«Ja navat nie chaču bolš nikoli padpisvać rachunak rasijskamu kaśmičnamu ahienctvu paśla 2017 hoda», — zajaviŭ Čarlz Bołden, hałava NASA i były piłot Šatła.
NASA karystałasia rasijskimi pasłuhami z 2011 hoda paśla zaviaršeńnia 30-hadovaj prahramy Space Shuttle. U 2014 hodzie vice-premjer Rasii Dźmitryj Rahozin praz ukrainski kanflikt paraiŭ amierykancam karystacca batutami, kali Rasija raptam admovicca dastaŭlać astranaŭtaŭ karablami «Sajuz».
Karabli «Sajuz» umiaščajuć try čałavieki, palepšanaja viersija karabla Dragon zmoža dastaŭlać da šaści čałaviek i hruzy. Akramia taho, kampanija SpaceX sprabuje zrabić šmatrazovymi nie tolki karabli, ale i rakiety, što značna źmienšyć košt zapuskaŭ. Raskosmas tym časam, chutčej za ŭsio, admovicca ad ambicyjoznaj łunnaj prahramy.
