Zarobak dziaržsłužačym pavyšać treba, ale za košt aptymizacyi i skaračeńnia dziaržaŭnaha aparatu.
Ab hetym skazaŭ Alaksandr Łukašenka siońnia ŭ chodzie kadravych pryznačeńniaŭ.
Łukašenka asobna zakranuŭ temu zarobku dziaržsłužačych. «U nas niaprostaja situacyja i z apłataj pracy dziaržaŭnych słužačych, pierš za ŭsio čynoŭnikaŭ.
Nikoli jašče my nie pravalvalisia i nie adstavali ad siaredniamiesiačnaj zarpłaty ŭ pramysłovaści i nikoli nie było takoj praporcyi da siaredniaha zarobku pa krainie. My surjozna adstajem.
Ale vy razumiejecie, što u hety čas kali my pačniem vypuklać zarobak dziaržsłužačych, to atrymajem adpaviednuju reakcyju naroda», — skazaŭ Alaksandr Łukašenka.
Kiraŭnik dziaržavy ličyć, što zarobak dziaržsłužačych pavyšać treba, ale za košt aptymizacyi, skaračeńnia dziaržaŭnaha aparatu, minimizacyi tych funkcyj, jakija dziaržaparat pavinien ažyćciaŭlać. Iści treba tolki hetym šlacham, pierakanany jon.
