«Učora adbyłasia Hildyja pivavaraŭ i adnym z pytańniaŭ było, ci žadajem my adradžeńnia piŭnych festaŭ, — paviedamiŭ na pres-kanfierencyi 30 lipienia hienieralny dyrektar AAT «Piŭzavod» Alivaryja «Dzianis Šarścieńnikaŭ. — Było vykazana ahulnaje mierkavańnie, usie chočuć, kab takija śviaty byli i ich treba rychtavać, treba ich płanavać, kab była dobraja arhanizacyja. Jany patrabujuć surjoznych zatrat».
Šarścieńnikaŭ ličyć, što fiestyvali buduć pravodzicca, pytańnie tolki — kali. Takim fiestyvalam nieabchodna padtrymka miascovych uładaŭ, adznačyŭ jon.
Na dumku hiendyrektara, «piŭnyja festy nie tolki dapamahajuć vytvorcam, ale jašče i pakazvajuć ludziam, jak treba pić piva, z čym jaho pić, raspaviadajuć pra hatunki. Pa sutnaści, fiestyvali pryščaplajuć pravilnuju kulturu spažyvańnia piva», — ličyć hiendyrektar piŭzavoda.
«Ja asabista tolki za. Vielmi chaču, kab festy prachodzili nie tolki ŭ Minsku, ale i ŭ mnohich inšych haradach, kab adbyvalisia takija śviaty, arhanizavanyja pivavarami, pryčym nie tolki bujnymi pradpryjemstvami, ale i miascovymi nievialikimi pivavarniami», — skazaŭ Šarścieńnikaŭ.
