Pierad tym jak ličyć rejtynhavyja bały, ekśpierty Forbes adsiekli kandydataŭ, jakija vyklikajuć minimalnuju cikavaść aŭdytoryi Internetu i nie karystajucca ŭvahaj ŚMI.
Miesca ŭ rejtynhu zabiaśpiečvali try faktary: dachody za hod, uvaha ŚMI i cikavaść, jaki zorka vyklikaje ŭ aŭdytoryi ŭ internecie.
Pry składańni rejtynhu padličvali ahulny abjom hanararnych vypłat ŭ adras taho ci inšaha rasijskaha artysta, pop-hrupy, spartsmiena, piśmieńnika ŭ pieryjad z 1 červienia 2013 pa 31 maja 2014 hoda. Prymalisia pad uvahu tolki prybytki, atrymanyja za košt ekspłuatacyi svajho talentu.
Uznačaliła rejtynh 50 rasijskich zorak pa viersii Forbes 5-razovaja čempijonka turniraŭ «Vialikaha šlema» i dziejučaja pieramožca «Rałan Haros» tenisistka Maryja Šarapava.
Fota AP/Scanpix
Dachody Šarapavaj za apošni hod skłali $24,4 młn, jana 14.779 razoŭ zhadvałasia ŭ ŚMI i maje zvyš za 53.000 zapytaŭ u Yandex, što i vyvieła tenisistku na pieršaje miesca ŭ rejtynhu.
Druhoje miesca zaniaŭ chakieist zbornaj Rasii i kłuba NCHŁ «Vašynhton» Alaksandr Aviečkin, treciaje — śpiavak Hryhoryj Leps.
U TOR-10 taksama ŭvajšli muzykant Valeryj Hierhijeŭ, chakieist Illa Kavalčuk, estradny śpiavak Filip Kirkoraŭ, fihuryst Jaŭhien Pluščanka, estradnaja śpiavačka Ała Puhačova, televiadučaja Ksienija Sabčak i chakieist Jaŭhien Małkin.
U druhim dziesiatku rejtynhu — śpiavak Stas Michajłaŭ, baksior Alaksandr Pavietkin, śpievaki Mikałaj Baskaŭ, Valeryj Mieładzie i Niuša, televiadučy Maksim Hałkin, śpiavačka Ziemfira, futbalisty Alaksandr Kakoryn i Alaksandr Kieržakoŭ, televiadučy Ivan Urhant.
Miescy z 21-ha pa 30-je zajmajuć, adpaviedna, śpiavačka Valeryja, śpiavak Dzima Biłan, futbalist Ihar Dzianisaŭ, śpiavačka Kryścina Arbakajcie, futbalisty Raman Šyrokaŭ i Ihar Akinfiejeŭ, śpiavak Cimaci, režysior Fiodar Bandarčuk, akcior Siarhiej Śvietłakoŭ i televiadučy Andrej Małachaŭ.
U čaćviortym dziasiatku rejtynhu — hurt «Mumij Trol», kinarežysior Mikita Michałkoŭ, opiernaja dziva Hanna Niatrebka, futbolny trenier Valeryj Karpin, akcior Kanstancin Chabienski, śpievaki Andrej Makarevič, Siarhiej Łazaraŭ i Alaksiej Čumakoŭ, chakiejny trenier Aleh Znarok i futbalist Ałan Dzahojeŭ.
U TOR-50 taksama patrapili muzyki Juryj Bašmiet, Dzianis Macujeŭ i Uładzimir Śpivakoŭ, aktrysa Śviatłana Chodčankava, cyrkavyja artysty Edhard i Askold Zapašnyja, madel Iryna Šejk, piśmieńnik Barys Akunin, televiadučaja Julija Kavalčuk, akciory Jaŭhien Mironaŭ i Hoša Kucienko, jaki zamykaje TOR-50.
