Na ščaście, takoha mocnaha vietru, jak na poŭnačy Jeŭropy, nidzie ŭ Biełarusi nie prahnazujecca.
U Minsku najbolšy śnieh čakajecca ŭranku piatnicy, a paśla ŭnačy ź piatnicy na subotu.
U Viciebsku mocny śniehapad projdzie ŭdzień piatnicy.
U Homieli najbolšy śnieh projdzie ŭdzień u subotu.
U Hrodnie — ŭviečary piatnicy.
Ranicaj 5 śniežnia ŭ harach Šatłandyi chutkaść vietru dasiahała 63 mietraŭ za siekundu.
U prybiarežnych rajonach Vialikabrytanii nazirajucca pavodki, jakich tam nie bačyli 30 hadoŭ. Nabraŭšysia siłaŭ u paŭnočnaj Atłantycy, cykłon «Chavier» ruchajecca ŭ centr Bałtyki i dalej — praź Niamieččynu, Polšču — u Biełaruś i Rasiju. Paviedamlajecca, što siarod krain, jakija byli zakranutyja stychijaj — Čechija, Aŭstryja, Danija i Niderłandy.
Niamieckija mietearołahi prahnazujuć, što «Chavier» pryniasie krainie samyja vialikija razbureńni za apošniuju dekadu. U Hamburhu abvieščanaje nadzvyčajnaje stanovišča, začynienyja kaladnyja kirmašy. Palicyja i vyratavalniki znachodziacca ŭ stanie pavyšanaj hatoŭnaści.
Pa dadzienych na piatnicu, 6 śniežnia, paviedamlajecca pra piać zahinułych. U pryvatnaści, achviarami stychii stali dvoje žycharoŭ Poŭdnia Anhlii. U Šviecyi padčas štormu patanuli dva maraki. Jašče adna žančyna zahinuła ŭ Danii - mocny paryŭ vietru pierakuliŭ jaje mašynu.
U škołach i ŭstanovach dadatkovaj adukacyi Kalininhrada ŭ piatnicu, 6 śniežnia, admianiajucca zaniatki ŭ pieršuju źmienu z-za rezkaha ŭzmacnieńnia vietru.
Pra heta ŭ čaćvier paviedamlajecca na sajcie haradskoj administracyi, adznačaje telekanał Dožd́.
U horadzie čakajecca viecier paryvami da 25—30 m/s. Ci buduć školniki vučycca ŭ druhuju źmienu, vyrašać ŭ pieršuju pałovu dnia 6 śniežnia, adznačajecca ŭ paviedamleńni.
Na piatnicu ŭ Biełarusi, u tym liku ŭ Minsku i Minskaj vobłaści, čakajucca składanyja ŭmovy nadvorja: śnieh, zavirucha, uzmacnieńnie vietru paryvami da 15-22 m/s, miescami – da 24 m/s.
Ministerstva pa nadzvyčajnych situacyjach nahadvaje, što hramadzianam nieabchodna ŭličvać takija ŭmovy nadvorja i być jak maha bolš uvažlivymi da siabie i adzin adnaho.
Rekamiendujecca pa mahčymaści znachodzicca ŭ budynkach, u ciopłych pamiaškańniach, nie vychodzić biez daj patreby na vulicu, admovicca ad prahułak.
Nieabchodna pamiatać, što znachodziačysia na vulicy nie varta chadzić blizka da kraja prajezžaj častki, a taksama pobač ź lohkimi kanstrukcyjami — mocny viecier moža źnieści vas u bok, albo adkinuć na vas niezamacavanyja pradmiety.
Dalokija pajezdki lepš admianić, dziaciej i starych, i ludziej ź niestabilnym stanam zdaroŭja biez krajniaj nieabchodnaści z doma nie vyvodzić, zabiaśpiečyŭšy kantrol za imi.
Aŭtaamataraŭ MNS zaklikaje ŭstrymacca ad pajezdak na aŭtamabilach, lepš skarystacca hramadskim transpartam. Kali ž paźbiehnuć pajezdki nielha: praviercie pierad vyjezdam stan aŭtamabila, uzroŭni ŭsich techničnych vadkaściaŭ. Vaźmicie ŭ darohu zapas paliva, ježu i ciopłyja rečy.
Pry vyjaŭleńni nadzvyčajnaj situacyi nieabchodna paviedamić u MNS pa telefonie 101.
Apynuŭšysia na miescy nadzvyčajnaj abo niaštatnaj situacyi vyrazna vykonvajcie ŭkazańni i rekamiendacyi rabotnikaŭ DAI i MNS. Pamiatajecie — avaryjnyja słužby vałodajuć ŭsioj situacyjaj pa horadzie i prymajuć rašeńni zychodziačy z hetaha!