Kala 250 čałaviek biare ŭdzieł u piešaj pilihrymcy ź Biełastoka da vilenskaj śviatyni — Maci Božaj Vostrabramskaj. U Vilniu ŭdzielniki pilihrymki pryjduć 24 žniŭnia prajšoŭšy kala 290 kiłamietraŭ pa Polščy, Biełarusi i Litvie.
Pilihrymka arhanizujecca ŭžo 21-y raz. U Hrodnie da jaje dałučycca jašče niekalki socień čałaviek. Pra ekumieničny charaktar pilihrymki śviedčyć toje, što pałomnikaŭ buduć prymać pa darozie ludzi roznych vieravyznańniaŭ, da taho ž i ŭ pilihrymcy ŭdzielničajuć nie tolki kataliki.
Pilihrymka padzielenaja na dzieviać etapaŭ, całkam trasa składaje 288 kiłamietraŭ. Na treci dzień pałomniki majuć pierajści ŭ Kuźnicy miažu ź Biełaruśsiu i skončać hety dzień u Hrodnie.
Da Vostraj Bramy ŭdzielniki pilihrymki planujuć dajści 24 žniŭnia papaŭdni. Aficyjna akcyja skončycca 25 žniŭnia imšoju ŭ Vilenskaj Katedry.
0
0
0
0
0
0
