Na konkursie «Miss Supranational-2013» Biełaruś pradstavić 17-hadovaja pieramožca respublikanskich alimpijadaŭ 8

Biełaruś na mižnarodnym konkursie pryhažości «Miss Supranational-2013» pradstavić 17-hadovaja studentka Biełaruskaha dziaržaŭnaha univiersiteta transpartu z Homiela Vieranika Čačyna. Konkurs «Miss Supranational-2013» u hetym hodzie projdzie ŭ Minsku ŭ vieraśni.

Za zvańnie samaj pryhožaj buduć zmahacca dziaŭčaty z 90 krain.

Na dumku žury, talenavitaja, razumnaja, pryhožaja hamialčanka hodna pradstavić našu krainu na konkursie, jaki ŭvachodzić u top-5 suśvietnych forumaŭ pryhažości i źjaŭlajecca trecim pa prestyžnaści konkursam paśla «Mis Śvietu» i «Mis Suśviet».

Vieranika ź dziacinstva zachaplajecca žyvapisam, architekturaj, fatahrafijaj. Lubić čytać mastackuju litaraturu, pryčym mienavita knihi ŭ vokładcy.

Sportam dziaŭčyna zajmajecca dziela zadavalnieńnia — pieravahu addaje płavańniu i katańniu na kańkach. Jaje deviz: «Dahledžany vyhlad, piśmiennaje maŭleńnie i knihi».

Dziaŭčyna nieadnarazova stanaviłasia pieramožcaj respublikanskich alimpijad pa biełaruskaj movie i historyi,

łaŭreatam moładzievaha konkursu navukova-daśledčych rabot «Śviet praz kulturu», udzielnicaj mižnarodnaha mastackaha konkursu «Na svajej ziamli».

Pavodle tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH