Niahledziačy na anhłamoŭnuju nazvu pakazu, mierapryjemstva viałosia
Nazva «Šoŭ adnaho dnia» dadzienaja nievypadkova. Arhanizatary dazvolili haściam mierapryjemstva naviedać nie tolki viačerni pakaz, ale i bekstejdž dniom. Usie padrychtoŭčyja pracy: prasavańnie adzieńnia, pryčesvańnie madelaŭ, a taksama tvorčy biesparadak, lišak kavy i ŭsio, što zvyčajna zastajecca za kulisami, było prezientavana publicy. Partnioram bekstejdža One Day Show vystupiła kampanija Philips.
Brama ŭ śviet mody adkryłasia ŭsiaho na niekalki hadzin, ale hetaha akazałasia dastatkova kab zrazumieć: nie tak lohka prezientavać kalekcyju adzieńnia, jak moža padacca hledaču. Dyzajniery miesca sabie nie znachodziać — biehajuć z boku ŭ bok, sprabujučy paśpieć usio darabić. Niekatoryja madeli chvalujucca i razmaŭlajuć sami z saboj, šepčučy, jak mienavita projduć pa podyumie, jak spyniacca, na kolki siekund zrobiać paŭzu…
Ale aktyŭnaja padrychtoŭčaja praca siabie apraŭdała. Adzieńnie ŭ tavarnym vyhladzie. Madeli upeŭniena čakaniać krok. Hledačy zadavolenyja. Biełaruskaja moda zrabiła čarhovy krok da zavajovy kašalkoŭ.
