Homielskaja piensijanierka pazbaviłasia na try z pałovaj hady voli za padbuchtorvańnie da davańnia chabaru i machlarstva.
Jak paviedamili ŭ prakuratury Homielskaj vobłaści,
Piensijaniercy inkryminavaŭsia 21 epizod złačynnaj dziejnaści. Ad svaich znajomych jana daviedvałasia, chto źbirajecca pastupać va ŭniviersitet, kamu treba trapić na lačeńnie ŭ balnicu, chto žadaje ŭładkavacca ŭ milicyju, i kazała pra toje, što ŭ jaje ŭsiudy jość suviazi i jana z usimi moža damovicca.
Jaje znajomyja, jakija paśla sapraŭdy paśpiachova zdavali ispyty, ci ŭładkoŭvalisia na pracu, ale rabili heta samastojna, ličyli, što im dapamahła znajomaja. Piensijanierka zajaŭlała, što heta jana ŭsio ŭładkavała, tolki treba pieradać hrošy ŭpłyvovym piersonam.
Na samaj spravie hrošy jana zabirała sabie, takim čynam prysvoiŭšy bolš jak 5 tys. dołaraŭ i prykładna 2 młn. rubloŭ. Niekatoryja paciarpiełyja źviartalisia da piensijanierki pa niekalki razoŭ.Adna z klijentak zapadozryła jaje ŭ padmanie i zajaviła ŭ milicyju.
Na sudzie žančyna pryznała ŭsie vypadki pieradačy hrošaj, ale zaciata zajaŭlała, što ništo sabie nie zabirała, a pieradavała chabary. Tolki nie skazała — kamu.
Homielski abłasny sud pakinuŭ u sile vyrak rajonnaha suda.
