Беларусь замахнулася на чатыры мільёны вакцын у год ад кавіду
Прамысловую вытворчасць уласнай вакцыны наладзілі ў Віцебскай вобласці на вытворчай пляцоўцы ААТ «БелВітуніфарм». Спіс айчынным медыцынскім распрацоўкам адкрыла вакцына ад кавіду.
12.01.2024 / 11:07
Фота: Julia Borodun Belarus Health Ministry via AP
«Рэгістрацыя вакцыны адбылася 27 снежня мінулага года. У грамадзянскі абарот яна паступіць ужо сёлета пасля правядзення дзяржзакупак Міністэрствам аховы здароўя», — расказаў sb.by гендырэктар прадпрыемства Сяргей Бальшакоў.
«Магутнасці і магчымасці нашага прадпрыемства дазваляюць у поўнай меры забяспечыць патрэбнасці Беларусі ў гэтым прэпараце. Мы гатовыя выпускаць да 4 мільёнаў доз вакцыны ад каранавіруса за год», — дадаў ён.
Пад выпуск медыцынскіх вакцын на прадпрыемстве выдзелены асобны паверх вытворчага корпуса, а ў 2022 годзе тут правялі поўную глыбокую мадэрнізацыю.
Чытайце таксама:
Зарэгістравана беларуская вакцына ад кавіду
Не толькі ў Беларусі. У краінах ЕС знішчылі вакцын супраць кавіду на чатыры мільярды еўра
СААЗ заклікала аднавіць масачны рэжым з-за ўзрастання захворванняў на кавід