Здымак ілюстрацыйны. Фота: AP Photo/Bram Janssen
Паводле аднаго з гэтых законаў, узрост для мабілізацыі ва Украіне цяпер паменшаны з 27 да 25 гадоў. Законапраект быў ініцыяваны Міністэрствам абароны, Рада прагаласавала за яго яшчэ год таму.
Раней маладыя людзі ва ўзросце ад 18 да 27 гадоў лічыліся прызыўнікамі і не падлягалі мабілізацыі. Яны маглі прызывацца толькі на тэрміновую службу, але пры ваенным становішчы прызыў на тэрміновую службу не праводзіцца.
Закон аб электронным кабінеце ваеннаабавязанага прадугледжвае стварэнне адзінага электроннага рэестра ваеннаабавязаных. У рэестры будзе захоўвацца персанальная інфармацыя аб прызыўніках, ваеннаабавязаных і рэзервістах, а таксама іх службовыя даныя.
Яшчэ адзін закон адмяняе для ваеннаабавязаных паняцце «абмежавана прыдатны». Ён прадугледжвае толькі два статусы — «прыдатны» і «непрыдатны» да вайсковай службы. Мужчыны, якія раней былі прызнаныя «абмежавана прыдатнымі», павінны цягам 9 месяцаў прайсці паўторны медыцынскі агляд.
Чытайце таксама:
Украінскія дроны атакавалі прадпрыемства ў Татарстане, дзе выпускаюць «шахеды»
ФАБ-3000: наколькі небяспечная расійская «цар-бомба» і ці зменіць яна сітуацыю на фронце?
Зяленскі расказаў, як Украіна прыменіць дальнабойныя ракеты ATACMS
