Паштаматы аказаліся незапатрабаваныя ў Беларусі 3

Фота: finbelarus.com

Як распавяла агенцтву «Sputnik Беларусь» гендырэктар «Белпошты» Святлана Юркевіч, у Беларусі функцыянуюць 40 паштаматаў, прычым больш за ўсё яны актуальныя для грамадзян, якія заказваюць пасылкі з-за мяжы. Паводле яе слоў, цяпер у сувязі з нізкай запатрабаванасцю праект плануецца прыпыніць.

«На ўнутраным рынку яны не моцна запатрабаваныя. Мы разглядаем нейкае іншае рашэнне, якое будзе прасцей. Гэты праект мы паставім на паўзу», — заявіла Юркевіч.

Кіраўнік «Белпошты» адзначыла, што па першапачатковай задуме паштаматы павінны былі спрыяць скарачэнню чэргаў пры атрыманні пасылак з замежжа, аднак на цяперашні момант гэты паток сур'ёзна знізіўся. Усяго ў месяц беларусам дастаўляюць каля 600 тыс. міжнародных пасылак — частка з іх сыходзіць у паштаматы.

Паштаматы «Белпошты» ёсць ва ўсіх абласных гарадах, а таксама ў Оршы, Лідзе, Барысаве, Бабруйску і іншых раённых цэнтрах.

Чытайце таксама:

У Хельсінкі на вуліцах з'явіліся робаты, якія дапамогуць дастаўляць калядныя падарункі

У Мінску ставяць кантэйнеры для збору ўпакоўкі ад чыпсаў і сухарыкаў. Як гэта працуе і што потым зробяць з гэтым смеццем?

Паштальёны будуць насіць лекі з аптэк

Nashaniva.com