Tank 500. Фота: intercargo.by
Уседарожнікі з КНР Tank афіцыйна прадставілі на выставе Auto Expo 2023. Рэалізацыяй некалькіх відаў аўтамабіляў з такой назвай зоймуцца афіцыйныя дылеры Haval і GWM у Мінску. Такім чынам, атрымліваецца, што ў аўтасалонах сталіцы можна будзе купіць Tank, піша Tochka.by.
Пакуль на беларускі рынак прыгналі дзве разнавіднасці — Tank 300 і 500.
Tank 300 мае ўзмоцненую платформу ўласнай распрацоўкі канцэрна Great Wall Motor. Разганяе яго двухлітровы турбіраваны рухавік магутнасцю 220 к. с., а дапамагае ў гэтым васьміступеньчатая КПП.
Іншая мадэль — Tank 500 — больш магутная і выглядае эфектна. Акрамя таго, аўто абсталяванае шасціцыліндравым рухавіком V6 аб'ёмам 3,0 л з камбінаваным упырскваннем паліва.
Цана ў Беларусі ў салонах пакуль не называецца, але іншы дылер прапануе аўто па цане ад 82 тысяч даляраў.
Цана як для сапраўднага міні-танка для асабістага карыстання, як казаў калісьці вядомы сатырык.
Чытайце таксама:
Багатыя таксама плачуць. У Беларусі хочуць увесці падатак на звышпрыбыткі і дарагія аўто
