Школам у Віцебскай вобласці масава надаюцца імёны савецкіх герояў 11

Уладзімір Цярэньцьеў — каля мікрафона

Ідэйным натхняльнікам і выканаўцам гэтага праекта стаў старшыня Віцебскага абласнога Савета дэпутатаў Уладзімір Цярэнцьеў.

Паводле слоў чыноўніка, цяпер больш як 100 школ Віцебшчыны маюць імёны савецкіх герояў, і праца гэтая будзе працягвацца.

28 чэрвеня Цярэнцьеў узяў удзел ва ўрачыстым мерапрыемстве з нагоды прысваення сярэдняй школе №2 горада Новалукомля імя старшага лейтэнанта войскаў НКВД-НКГБ Героя Савецкага Саюза Фёдара Азміцеля. У Чашніцкім раёне гэта ўжо трэцяя школа, якая атрымала імя Героя Савецкага Саюза.

А на наступны дзень той жа Цярэнцьеў прысутнічаў на новым публічным мерапрыемстве — у гонар прысваення сярэдняй школе №2 Оршы імя камандзіра дывізіёна 462-га артылерыйскага палка 13-й арміі Заходняга фронту Героя Савецкага Саюза Барыса Хігрына.

Пры гэтым нават у суседняй расійскай Смаленскай вобласці падобнага імпэту не назіраецца. З 425-ці мясцовых школ імёны савецкіх герояў носяць толькі 17.

Чытайце таксама:

«Іх біяграфіі мэтанакіравана міфалагізуюцца». Прэзідэнт Казахстана выказаўся супраць прысваення аб'ектам імёнаў савецкіх дзеячаў

Хісткае становішча. Пад Мінскам развальваецца рэканструяваны Курган Славы

Што цяпер расказвае музейніца з Мар'інай Горкі, якая праславілася выказваннем, што амерыканскае войска — гэта «гей-салдаты ў памперсах»

Nashaniva.com