Светлагорскі цэлюлозна-кардонны камбінат. Фота: ranak_me / Telegram
«1 ліпеня хлопцаў пахавалі», — сказала супрацоўніца апарату кіравання прадпрыемства.
Раней праваабаронцы паведамлялі, што загінулых дагэтуль не пахавалі.
Трое работнікаў завода беленай цэлюлозы, вытворчага падраздзялення камбіната, загінулі 7 чэрвеня ў выніку аварыі.
Афіцыйна была пацверджаная смерць 24-гадовага Віктара Раманькова, 32-гадовага Міхаіла Шаціцы і 42-гадовага Алега Кацубы.
Віктар Раманькоў, Міхаіл Шаціца, Алег Кацуба. Фота: сацыяльныя сеткі
Прычыны аварыі на камбінаце так і не назвалі.
Следчы камітэт расследуе крымінальную справу па факце парушэння правілаў бяспекі на выбуханебяспечным прадпрыемстве.
Кіраўніцтва прадпрыемства запэўнівала, што сем’і загінулых атрымаюць матэрыяльную дапамогу, а пахаванні адбудуцца за кошт камбіната.
Цэх, дзе адбыўся выбух. Скрын з відэа МНС
Неўзабаве пасля здарэння былі схопленыя журналісты з тэлеканала «Ранак», які першым паведаміў пра выбух на прадпрыемстве. Судзілі іх за распаўсюд экстрэмісцкіх матэрыялаў.
Нагодаю для затрымання мог стаць сюжэт пра аварыю на камбінаце.
«Наша Нiва» — крыніца якаснай інфармацыі і бастыён беларушчыны
ПАДТРЫМАЦЬ «НН»Глядзіце таксама:
Выбух адбыўся на заводзе беленай цэлюлозы ў Светлагорску
У санкцыйны спіс ЗША трапіла беларускае прадпрыемства «Светлагорск Хімвалакно»
Хімік патлумачыў, чаму ніякая аварыя на Запарожскай АЭС не будзе мець маштабных наступстваў
