Фота: vecteezy.com
З пачатку года супрацоўнікі падраздзяленняў па супрацьдзеянні кіберзлачыннасці спынілі дзейнасць 27 грамадзян, якія аказваюць нелегальныя паслугі па абмене крыптавалют. Іх агульны незаконны даход склаў амаль 22 мільёны рублёў, паведаміла прэс-служба МУС.
Паводле МУС, такія паслугі запатрабаваныя сярод махляроў, якія такім чынам пераводзяць у гатоўку і канвертуюць выкрадзеныя сродкі ўдзельнікам злачынных схем.
Каб прадухіліць такія факты, МУС распрацоўвае заканадаўчыя навацыі, якія забароняць здзелкі па абмене крыптавалюты паміж фізічнымі асобамі. Для празрыстасці і кантролю такія фінансавыя аперацыі грамадзянам дазволяць праводзіць толькі праз біржы ПВТ.
«У такіх умовах ашуканцам у сферы інфармацыйных тэхналогій стане проста нявыгадна дзейнічаць у Беларусі», — рэзюмуе МУС.
Чытайце таксама:
Лукашэнка працягнуў прэферэнцыі ў крыптасферы амаль на два гады
Крыптавалюта дапамагае абыходзіць банкаўскія санкцыі і іншыя абмежаванні. Схема простая
