У Вільні афіцыйна жыве каля 70 тысяч замежнікаў (усяго насельніцтва літоўскай сталіцы складае 600 тысяч чалавек). Гэта тыя людзі, якія ўжо атрымалі ВНЖ і задэкларавалі ў гэтым горадзе сваё месца жыхарства, распавяла дырэктар International House Vilnius Агне Камара.
Больш за траціну з гэтых людзей — беларусы, якіх больш за 23 тысячы. Нашы суграмадзяне складаюць самую вялікую замежную групу, якая жыве ў Вільні. Многія з іх прыехалі пасля жніўня 2020 года, яшчэ больш — пасля пачатку вайны ва Украіне.
Дырэктар Дэпартамента міграцыі МУС Літвы Эвеліна Гудзінскайце распавяла, што летась у Літве жылі 4600 беларускіх спецыялістаў, якія пераехалі ўслед за сваімі кампаніямі, што рэлакаваліся. Сёлета такіх беларусаў у Літву прыехала амаль 300.
Чытайце таксама:
У ліпені ў Вільні пройдзе саміт НАТА. Жыхароў горада чакаюць абмежаванні
Мінскім арандадаўцам і не снілася. Колькі беларусы плацяць за здымныя кватэры ў Польшчы і Літве
