Навучальныя мерапрыемствы ў органах пагранічнай службы пачаліся 17 лютага, паведаміў сёння Дзяржпагранкамітэт. Іх мэта — праверка гатоўнасці часцей да практычных дзеянняў па разгортванні і функцыянаванні пунктаў кіравання па-за месцамі пастаяннай дыслакацыі.
Паведамляецца, што памежнікам трэба будзе адпрацаваць розныя няштатныя сітуацыі ў складанай і дынамічнай абстаноўцы, максімальна адпрацаваць зладжанасць дзеянняў штатных і прыдадзеных падраздзяленняў.
«Падчас праверкі таксама адпрацоўваюцца пытанні ўзмацнення аховы ўчасткаў дзяржаўнай мяжы, выяўлення, блакавання і ліквідацыі ўзброеных фармаванняў, барацьба з дыверсійна-разведвальнымі групамі», — адзначылі ў Дзяржпагранкамітэце.
Навучанне памежнікаў будзе праводзіцца на працягу двух тыдняў.
