«У мой 93-й дзень нараджэння […] я рады паведаміць, што маё даўняе каханне, Анка Фаур, і я пажаніліся. Мы звязалі сябе святымі вузамі шлюбу на невялікай прыватнай цырымоніі ў Лос-Анджэлесе, і мы ўсхваляваныя, як падлеткі, якія ўцяклі ад бацькоў», — гаворыцца ў паведамленні, апублікаваным у твітары База Олдрына.

Для былога астранаўта гэта чацвёрты шлюб, нявеста малодшая за яго на 30 гадоў.

63-гадовая Анка Фаур з 2019 года працуе ў кампаніі Buzz Aldrin Ventures LLC. На гэты момант яна займае пасаду віцэ-прэзідэнта кампаніі.

У Олдрына трое дзяцей ад першага шлюбу.

Баз Олдрын — адзіны з удзельнікаў першай у свеце паспяховай місіі па высадцы на Месяц Апалон-11 (Apollo-11).

Тры амерыканскія астранаўты — Ніл Армстранг (камандзір карабля), Майкл Колінз (пілот асноўнага блока) і Олдрын, які быў у гэтай місіі пілотам месяцовага адсека, — высадзіліся на Месяц 20 ліпеня 1969 года. Калі свет адзначаў 50-годдзе місіі, у жывых былі двое ўдзельнікаў — Олдрын і Майкл Колінз.

Олдрын — паслядоўнік прэсвітэрыянскай царквы. Пасля высадкі на Месяц, так як ён быў старэйшынам у царкве, то правёў кароткае набажэнства. Як астранаўт патлумачыў тады, ён хацеў узнесці падзяку Богу «найбольш прыдатным спосабам».

У 2002 годзе Олдрыну ўдалося пазбегнуць судовага пераследу па абвінавачванні ў нападзе пасля таго, як былы астранаўт ударыў у сківіцу чалавека, які патрабаваў, каб Олдрын пад запіс на камеру пакляўся на Бібліі ў тым, што высадка на Месяц не была пастаноўкай. Чалавекам, які атрымаў кулаком па твары ад Олдрына, быў сцэнарыст Барт Сібрэл, прыхільнік тэорыі змовы, які быў перакананы, што высадкі на месяц насамрэч не было, а кадры, што трансляваліся на ўвесь свет, былі знятыя на кінастудыі.

Баз Олдрын завяршыў кар'еру ў НАСА ў 1971 годзе, пасля чаго ўзначаліў Школу лётчыкаў-выпрабавальнікаў ВПС ЗША на базе Эдвардс (штат Каліфорнія). У 1972 годзе ён сышоў у адстаўку.

label.reaction.like
label.reaction.facepalm
label.reaction.smile
label.reaction.omg
label.reaction.sad
label.reaction.anger

Хочаш падзяліцца важнай інфармацыяй ананімна і канфідэнцыйна?

0
Мойша / Адказаць
21.01.2023
Шчасця маладым ці нявельмі, але шчасця!)))
1
Bhagawan / Адказаць
21.01.2023
Žadaju ščaścia kasmičnamu dziedu!
4
Аскми / Адказаць
21.01.2023
То есть на библии он так и не поклялся...
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру