У 2012 годзе чаканая працягласць жыцця пры нараджэнні ў Беларусі ўзрасла на 1,6 года да 72,2 года,паведаміла начальнік галоўнага ўпраўлення статыстыкі паслуг і дэмаграфічнай статыстыкі Нацыянальнага статыстычнага камітэта Ірына Шастакова.
«Гэта самы высокі ўзровень гэтага паказчыка больш як за 20 гадоў.
Апошнім разам паказчык чаканай працягласці жыцця, які перавышае 72 гады, быў зафіксаваны ў 1985 годзе», —зазначыла Шастакова.
Паводле яе слоў, у Беларусі назіраецца высокая розніца ў працягласці жыцця ў мужчын і жанчын. У 2012 годзе гэтая розніца склала 11 гадоў. Чаканая працягласць жыцця беларускіх мужчын — 66,6 года, жанчын — 77,6 года. «Верагоднасць памерці ў мужчын ва ўсіх узростах вышэйшая, чым у жанчын, але асабліва вялікая гэтая розніца ў працаздольным узросце», — зазначыла прадстаўнік Белстата.
0
0
0
0
0
0
