Суддзя забараніла адвакату апытваць сведак па-беларуску, паведамляе праваабарончы сайт spring96.org.
Адвакат заявіла на гэта адвод суддзі ў сувязі з дыскрымінацыяй беларускай мовы, але і гэта хадайніцтва было адхіленае.
Гэніка Лойку абвінавацілі ва ўдзеле ў несанкцыянаваным мерапрыемстве (арт.23.34 КоАП РБ) і пакаралі арыштам на 5 сутак.
Раней сястра Гэніка Лойкі Валянціна паведаміла, што суддзя Людміла Лапо не задаволіла просьбу брата на перакладчыка. А калі адвакатка спрабавала сама перакладаць, забараніла і ёй гэта рабіць — патрабавала гаварыць па-руску.
Па словах Валянціны, на судзе сведчыў не той чалавек, які непасрэдна затрымліваў брата раніцай.
Цяпер суддзя выдаліла ўсіх з залы. Чакаецца, што хутка будзе абвешчаны прысуд.
Раніцай 21 лютага Гэнік Лойка каля сталічнай гімназіі №4 правёў акцыю супраць русіфікацыі беларускамоўных школ. Ён прыйшоў з плакатам «Віншую з Днём роднай мовы. Гімназія № 4 была апошняй з беларускай мовай навучання». Затрымалі яго, калі ўжо вяртаўся дамоў.
![Клас Клас](https://d16gbq1owzocfa.cloudfront.net/images/reactions/reaction-like.png)
![Панылы сорам Панылы сорам](https://d16gbq1owzocfa.cloudfront.net/images/reactions/reaction-facepalm.png)
![Ха-ха Ха-ха](https://d16gbq1owzocfa.cloudfront.net/images/reactions/reaction-smile.png)
![Ого Ого](https://d16gbq1owzocfa.cloudfront.net/images/reactions/reaction-omg.png)
![Сумна Сумна](https://d16gbq1owzocfa.cloudfront.net/images/reactions/reaction-sad.png)
![Абуральна Абуральна](https://d16gbq1owzocfa.cloudfront.net/images/reactions/reaction-anger.png)