Heta ŭžo druhaja źmiena sioleta. U vieraśni skaraciłasia tranślacyja ŭ abiedzienny čas. Ciapier ža ŭ vymušany adpačynak syduć amal usie rehularnyja prahramy.
Infarmacyi nie stanie mienš, ale naviny buduć vychodzić u novym farmacie — bieź viadoŭcy.
Z čym heta źviazana i jakija płany «Biełsat» maje na budučyniu? Pra heta raspaviadaje dyrektar telekanała Ahnieška
«Hetyja źmieny, na žal, — vynik taho, što za 5 hadoŭ pracy za davoli ścipłyja srodki ŭpieršyniu «Biełsatu» ich nie chapiła na isnavańnie da kanca hoda. Tamu my musim admovicca ad toj prahramy telebačańnia, da jakoj pačatkova rychtavalisia.Sioleta my ŭviali «Studyju „Biełsat“ — prahramu, u jakoj ja ciapier za hościu. Adnak heta dadatkovyja vydatki, i nam paprostu nie chapiła hrošaj. My akazalisia ŭ vielmi surjoznaj situacyi i vymušanyja značna skaracić tranślacyju».
«My pierakananyja, što hetyja zachady dapamohuć nam niejak pieratryvać da kanca hoda. My vyrašyli, što ŭsio ž infarmacyja musić zastacca, u niejkaj formie naviny zastanucca.
Značnaj častki pieryjadyčnych prahramaŭ hledačy ŭ śniežni nie pabačać. Adnak my spadziajemsia, što ŭdasca viarnucca da narmalnaj prahramy tranślavańnia ŭžo ŭ studzieni. Jašče raz paŭtarusia: na siońnia nam prosta nie chapiła biudžetu. Pieravažnaja častka našaha biudžetu składajecca z datacyjaŭ uradaŭ Polščy, Šviecyi, Narviehii, Niderłandaŭ, mienšyja datacyi vyłučajuć na našaje isnavańnie ŭrady šerahu inšych krainaŭ. Na žal, sioleta ŭ nas nie vyjšła sabrać patrebnaj sumy», — miarkuje sp.
A čamu «Biełsatu» składana znajści sponsaraŭ? Padajecca, heta taki bujny miedyjny prajekt. Adkul ža takija składanaści?
«Mnie samoj ciažka adkazać na hetaje pytańnie. Pošukami srodkaŭ dla našaha kanału ja zajmajusia ŭžo 6 hadoŭ i spadziajusia, što ŭrešcie ich znajdu. Ja liču, što adna z pryčynaŭ — kryzis u Jeŭropie: usie ekanomiać, i praz heta pošuk finansavańnia robicca sapraŭdy składanym. Niahledziačy na heta, naleta my ŭžo majem płany, tamu našaja situacyja nie zusim bieznadziejnaja.
To bok na ciapierašni momant jana vielmi kiepskaja, adnak ja spadziajusia, što ŭdasca jaje vypravić.Za historyju „Biełsatu“ my ŭžo šmat razoŭ sutykalisia z takimi ciažkaściami, kali zdavałasia, što my hetaha nie pieraadolejem. Dumaju, što i hetym razam my vybieramsia. U nas jość płany pryciahnuć jeŭrapiejskija srodki ŭ nastupnym hodzie. Mahčyma, urešcie dałučycca Jeŭraźviaz, jaki pakul nie finansavaŭ „Biełsatu“. My na heta spadziajemsia».
