Studenty ź Jemiena, Ijardanii i Paleściny, pavodle ich słoŭ, byli źbity ŭ zabaŭlalnym centry «Jeŭropa» ŭ Homieli. U Centralnym RAUS, jaki pravodzić pravierku pa hetym facie, pakul kamientaryjaŭ BiełaPAN nie dajuć.
Jak paviedamiŭ student Homielskaha miedycynskaha ŭniviersiteta hramadzianin Jemiena Sałach Machamied, 18 listapada jon z bratam (studentam padrychtoŭčaha adździaleńnia) zajšoŭ u ZC «Jeŭropa», dzie ŭbačyŭ, jak čaćviora chłopcaŭ słavianskaj źniešnaści bili dvuch studentaŭ ź Ijardanii i Paleściny.
«Jany tolki što pryjechali vučycca i jašče nie viedajuć ruskaj movy. Miascovyja ž kryčali na ich i bili, pryčym było vidavočna, što ijardaniec i paleściniec nie razumiejuć, čaho ad ich chočuć i što naohuł adbyvajecca. Ja z bratam zastupiŭsia za tych, kaho źbivali», — zaznačyŭ Sałach.
Paśla taho jak jon paprasiŭ nie bić chłopcaŭ i pakinuć ich u spakoju, jon sam atrymaŭ udar u tvar. «Tady ŭžo pačali bić i nas. Tut pryjšła achova zabaŭlalnaha centra i prosta vykinuła nas, inšaziemcaŭ, za dźviery, a miascovych pakinuła ŭ zabaŭlalnym centry», — padkreśliŭ jemieniec.
Pavodle jaho słoŭ, jon adrazu ž źviarnuŭsia ŭ milicyju, napisaŭ zajavu, źniaŭ paboi. Jaho aburyli taksama dziejańni achoŭnikaŭ ZC «Jeŭropa».
***
Nahadajem, letaś paśla bojki, jakaja pačałasia ŭ ZC «Jeŭropa» i praciahvałasia kala zabaŭlalnaj ustanovy, zahinuŭ student Homielskaha dziaržaŭnaha ŭniviersiteta imia F.Skaryny hramadzianin Turcyi 1985 hoda naradžeńnia. Bojka zdaryłasia na dyskatecy ŭ ZC «Jeŭropa». U zamiežnaha studenta ŭźnik kanflikt
U kastryčniku rasijanin, jaki adpačyvaŭ u ZC «Jeŭropa», pazbaviŭsia bujnoj sumy hrošaj, pakinuŭšy biez nahladu na śpincy kresła pinžak.