Kuchnia «Kamianicy» — heta Pavieł Miatlicki.
«Kamianica» — heta papularny restaran ź biełaruskaj kuchniaj na vulicy Pieršamajskaj u Minsku, kala parku Horkaha.
Toj samy «Sudak pa-niomansku».
Toj samy «Sudak pa-niomansku».
Mnie adrazu z paroha skazali: «Razmaŭlaj
55 hradusaŭ na kuchni — zvyčajnaja sprava.
Na Zachadzie być šef-kucharam u restaranie roŭna jak być
Pavieł Miatlicki: Kucharstva — heta šlachietna.
Z «bajavymi tavaryšami».
My trapili ŭ śviataja śviatych — kuchniu ŭstanovy na vulicy Pieršamajskaj u Minsku, raźviedali recept «Sudaka
Navučyŭsia na praktycy
Adnojčy zapisaŭsia na
Ja nie razumieju, navošta pad zapis davać recept baršču. Lepiej try razy zrabi hety boršč, tady ty na ŭsio žyćcio zapomniš, jak jaho hatavać.Boršč - simvał našaj vybarčaj sistemy. Što b ni prapanoŭvali kandydaty, paspality biełaruski lud budzie abirać boršč. Dziaŭčaty nadziva časta žartujuć na temu baršču, ale nie ŭsie ź ich umiejuć jaho hatavać, tamu treba spačatku navučycca hatavać boršč, uziać jaho ŭ termas i iści na płošču.
Ja byŭ «niehram»
U zvyčajnym žyćci ty raźvivaješ biełaruskuju movu va ŭmovach varožaści, a mnie paščaściła z tym, što kiraŭnictva «Kamianicy» stvaraje spryjalnyja ŭmovy dla biełaruskamoŭnych.
Kali ty biełaruskamoŭny i pry hetym pryncypovy, to tabie za hetuju pryncypovaść jašče i dapłočvać buduć.U mianie jość apioki, parezy, ale ja atrymlivaŭ ich napačatku pracy, kali vučyŭsia, nu byvaje, kali zapara, to taksama pieryjadyčna režaš i apiakaješ ruki. 55 hradusaŭ na kuchni ŭ haračym cechu — zvyčajnaja sprava. Ja vielmi lublu svaju pracu, niahledziačy na toje, što pieršyja zarobki byli kropielkami kacinymi, pieršyja dva miesiacy ja byŭ «niehram», jaki rabiŭ usio, akramia kucharskaj spravy.
Ale kali ja pryjšoŭ tudy i mnie adrazu z paroha skazali: «Razmaŭlajpa-biełarusku , kali łaska, ja jaje razumieju i ŭchvalaju tvajo rašeńnie», — mnie sapraŭdy było pryjemna.
Zapara — śpiecyfika hetaj prafiesii
Kuchar — śpiecyjalnaść sama pa sabie rabočaja. Kažuć, što na Zachadzie jana davoli pavažanaja i być šefam u restaranie, roŭna jak być
Zrešty, jak i lubaja inšaja praletarskaja praca,
praca kuchara fizična ciažkaja. Chacia b pa ŭmovach: źmiena doŭžycca 12 hadzinaŭ i hety čas ty pravodziš na nahach, majučy mahčymaść prysieści tolki na chvilinaŭ 30 za ŭvieś dzień.Siaredniaja tempieratura ŭ haračym cechu ŭletku 50–55 hradusaŭ pa Celsiju. Jašče ŭ kucharskim śviecie jość cudoŭnaje słova, jakoje na kuchni možna pačuć kožny dzień razoŭ pa 50 i jakoje całkam apisvaje śpiecyfiku hetaj prafiesii — «zapara». Tady kuchara lepiej nie čapać. Jon całkam addany ŭ hety momant svajoj spravie: biehaje, narazaje, smažyć, varyć, davodzić stravu da smaku i robić jašče bieźlič rečaŭ.
Dumaju tamu, kali kuchar viartajecca dadomu paśla zaparnaha dniu, jaho ledź nie vanituje ad ježy. I mała chto z kucharaŭ hatuje doma — heta taksama viadomy fakt.
Kucharstva — heta šlachietna
Šmat chto miarkuje, što kucharstva — heta praletarskaja praca, ale ja liču, što kucharstva — heta šlachietna. Va umovach kapitalizmu, praletaryi pieraaryjentoŭvajucca. Kali ty pracuješ intelektualna, to vysmoktvajucca tvaje mazhi i adbyvajecca ich abmiežavańnie peŭnymi ramkami.
My pavinny brać abjomam, a nie jakaściu
Na žal, va ŭmovach kapitalizmu, kab žyć zamožna, my vinny brać abjomam, a nie jakaściu. U Miensku miescaŭ z elitarnaj kuchniaj adzinki. I kali ty možaš utrymać na adnoj ruce try talerki z supam i nie raspluchać, to heta dobra — heta šanujecca. Ź ciabie jak z adzinki imknucca vysmaktać usio, usie tvaje fizičnyja zdolnaści, i pažadana, kab ty jašče i jašče raźvivaŭsia.
Rondal i patelnia
Na kuchni pracuje zvyčajny narod. Kali chto nie viedaŭ składanych biełaruskich słovaŭ, davodziłasia tłumačyć. Časam vymušany ŭžyvać trasianačny varyjant, kali inakš nie razumiejuć. Ale ja navučyŭ ŭžo ich, što jość rondal, a što patelnia. Dla mianie «kastriula» i «skovoroda» brudnyja i niepryhožyja słovy.
Treba stvaryć biełaruski Makdonalds
Dzieści ŭ internecie ja bačyŭ infahrafiku «Čaho brakuje ŭ biełaruskaj stalicy?» i najbolšaja kolkaść apytanych skazała, što brakuje jakasnaha i smačnaha chutkaha charčavańnia. Čamu b nie zaniacca hetym pytańniem: raspracoŭkaj mieniu dla takoha biełaruskaha Makdonaldsa? Tym bolš, što my majem takuju chutkuju, prostuju, smačnuju stravu jak draniki?
I taki ž prosty i smačny pradukt jak bulba, ź jakoj možna natvaryć šmat sapraŭdy smačnych stravaŭ.Na adnoj faršyravanaj bulbie možna skłaści nievierahodnuju kolkaść fastfudnych stravaŭ.
Pakaštujcie ahurki ź miodam i stravu z kanopli
Ja sam vielmi lublu kałduny z bulby. Biełarusy nie viedajuć navat što kałduny - heta sapraŭdy našaja nazva zvyčajnych pialmieniaŭ. Cikavaja strava — ahurki ź miodam, usim raju pakaštavać.
Biełaruskuju kuchniu mała chto daśledavaŭ. Toje, što jeli našy prodki na pačatku XX stahodździa — heta nie na sučasny hust, bo jon zaraz sapsavany savieckaj kuchniaj i vypraŭleny ŭ bok italjanskaj i jeŭrapiejskaj kuchni. Cikava było b pryhatavać niešta z kanoplaŭ, raniej stravy ź joj byli vielmi raspaŭsiudžanymi, ale zaraz ty hetaha nie zrobiš.
Ci z BNF ja
Viadoma ž byli pytańni, ci z BNF ja, nu heta zvyčajnaja sprava. Ludzi, jakija pracujuć sa mnoj, nie zadajuć sabie pytańniaŭ pra stan Biełarusi, pra našu historyju ci identyčnaść, im heta prosta nie treba. U ich zvyčajna ŭźnikajuć pytańni datyčnyja zarpłaty, źnižak, rasterminoŭki na rečy, tačak i mabilny telefonaŭ. Dla ich istotna toje, nakolki paśpiachova ty vykanaješ ich sacyjalny zapyt. Im usio roŭna budzie, z čyich ruk atrymlivać hetyja 500 dalaraŭ. Ale ludzi pracujuć roznyja. Niekali byŭ prahramist, jość chłopiec — były pradprymalnik, jość dziaŭčyna-traktarystka.
Da biełaruskaj movy ja pryjšoŭ praz Boha
Dahetul biełaruskamoŭnyja ŭ Minsku vyklikajuć šmat pytańniaŭ. Ciabie razhladajuć ci to jak pačvaru, ci to jak cud, jaki vinien mieć svaju historyju.Ja chryścijanin i ŭ 2003 hodzie chadziŭ ŭ carkvu «Łaska Božaja», jany ładzili škoły, jakija byli nakiravany z adnaho boku na chryścijanskuju adukacyju, a ź inšaha — na nacyjanalnuju, i ja padpaŭ pad hetuju
Raniej ja nie pavažaŭ Biełaruś jak taki paŭnavartasny nacyjanalny kancept. Ale ŭ škołach, jakija ładziła carkva, jany pačali raspaviadać pra historyju, ale bieź isteryčnych usklikaŭ «Žyvie Biełaruś», a prosta znajšli padychod, kali ty sam da ŭsiaho prychodziš. U hetaj škole ja paznajomiŭsia sa Źmitrom Daškievičam. Jašče tam byli ludzi, jakija zasnavali Biełaruskuju Chryścijanskuju Demakratyju. Tamu možna kazać, što da biełaruskaj idei i, adpaviedna, movy, ja pryjšoŭ praz Boha.
* * *
Nu i, viadoma, recept ad kuchara «Kamianicy»:
Sudak pa-niomansku pad sousam ź biełymi hrybami
- File sudaka 200 h
Pryprava
Muka
Robicie nievialičkija nadrezy na file sudaka, kab pry smažańni ryba nie zharnułasia, pasypajecie prypravami, panirujecie ŭ muce i absmažvajecie.
Sous:
- Zamarožanyja biełyja hryby 100 h
Cybula 100 h
Viarški kulinarnyja 120 h
Bruśnicy
Vino 30 h
Sol
Pierac
Biełyja hryby i cybulu smažym, dadajom vadu, tušym i dadajom bruśnicy i viarški, potym vino. Usio tušycca.
Paśla na patelniu kładziecca ryba, zalivajecca sousam i na 20 chvilin stavicca ŭ duchoŭku.