Fakt, što ŭ budynak pasolstva Litvy ŭ Minsku kinuli dźvie butelki z zapalnaj sumieśsiu, treba rasceńvać jak terarystyčny vypad suprać Litvy, ličać ministr zamiežnych spraŭ hetaj krainy Aŭdronius Ažubalis i staršynia parłamienckaha Kamiteta pa zamiežnych spravach Emanuelis Zinhierys.
«Heta terarystyčny vypad suprać litoŭskaj terytoryi», — skazaŭ 7 listapada ŭ parłamiencie žurnalistam Zinhierys.
«A što vam nahadvaje taki chod padziej, kali viečaram na terytoryju pasolstva kidajuć dźvie butelki z „kaktejlem Mołatava“? Što heta, kali nie terakt?», —skazaŭ Ažubalis.
Pavodle jaho słoŭ, jurydyčna heta zdareńnie buduć kvalifikavać litoŭskaja pravaachoŭniki. Ažubalis śćviardžaje, što daŭ svaju acenku padziejam. «Ja skazaŭ, što dumaju jak ministr zamiežnych spraŭ, pakolki kali kidajuć „kaktejli Mołatava“, inakš nazvać niemahčyma.
Jak heta jašče možna nazvać? Vypadkova niechta pierabłytaŭ? Pastukaŭsia nie ŭ tyja dźviery?Nie, heta była abdumanaja jasnaja akcyja.
Heta kinuli nie dzieści na siaredzinie vulicy, šašy, a na terytoryju litoŭskaha pasolstva ŭ Biełarusi, jakaja ŭ adpaviednaści ź Vienskaj kanviencyjaj, źjaŭlajecca našaj terytoryjaj», —skazaŭ ministr.
Jon vykazaŭ nadzieju na toje, što biełaruskija pravaachoŭniki praviaduć chutkaje i efiektyŭnaje rasśledavańnie pa fakcie chulihanstva.
Ažubalis źviarnuŭ uvahu na toje, što na terytoryi pasolstva stajać videakamiery. Jaho achoŭvajuć nie tolki litoŭskija palicyjanty, ale i biełaruskaja milicyja.
Kiraŭnik litoŭskaha parłamienckaha Kamiteta pa nacbiaśpiecy i abaronie Arvidas Anušaŭskas, kamientujučy padziei ŭ Minsku, skazaŭ, što «takoje na pustym miescy nie naradžajecca».
«Kali pastajanna zavastrajecca hramadskaja dumka ab tym, što Litva prytrymlivajecca jakojści nibyta antyrasijskaj pazicyi abo pazicyi, skiravanaj suprać biełaruskich uładaŭ, to,skazaŭ u sieradu palityk.pa-za ŭsiakim sumnievam, takija padziei — tolki pytańnie času», —
Pasoł Litvy ŭ Biełarusi Linas Linkiavičus paviedamiŭ, što napiaredadni pasolstva nijakich pahrozaŭ nie atrymlivała.
