Pasolstva Litvy ŭ Minsku pieradało notu pratestu Ministerstvu zamiežnych spraŭ Biełarusi ŭ suviazi ź incydentam na terytoryi litoŭskaj ambasady ŭ Minsku, kudy ŭviečary 6 listapada byli zakinutyja butelki z zapalnaj sumieśsiu. Ab hetym paviedamlaje RIA Naviny sa spasyłkaj na litoŭski telekanał LRT.
Pres-słužba litoŭskaha zamiežnapalityčnaha viedamstva, sa svajho boku, adznačaje, što "ŭ Ministerstva zamiežnych spraŭ budzie vyklikany kiraŭnik dypłamatyčnaha pradstaŭnictva Biełarusi, ad jakoha zapatrabujuć, kab Biełaruś jak bok, jaki prymaje harantavała ažyćciaŭleńnie pałažeńniaŭ Vienskaj kanviencyi ab biaśpiecy dypłamatyčnych pradstaŭnictvaŭ,a adkaznyja biełaruskija viedamstvy nieadkładna pryniali naležnyja miery pa vyjaŭleńni vinavatych ataki i pryciahnieńniu ich da adkaznaści".
MZS Litvy hatovy supracoŭničać z pravaachoŭnymi orhanami Biełarusi, kab z dapamohaj litoŭskich ekśpiertaŭ vinavatyja byli vyjaŭlenyja jak maha chutčej. Ab napadzie na ambasadu infarmavanyja adkaznyja viedamstvy Litvy, jakija ŭ ramkach svajoj adkaznaści prymuć adpaviednyja miery pa ŭzmacnieńni biaśpieki dyppradstaŭnictva.
0
0
0
0
0
0
