Pad zajavaj sabrana bolš za 300 podpisaŭ, paviedamiła na pasiadžeńni hramadskaj inicyjatyvy «Za ŭratavańnie miemaryjału Kurapaty» aktyvistka Hanna Šapućka. Zajavu ŭžo nakiravali ŭ hienprakuraturu, adnak zbor podpisaŭ praciahvajecca.
U zajavie adznačajecca, što Kurapatam prysvojeny status historyka-kulturnaj kaštoŭnaści pieršaj katehoryi. A heta, zhodna z zakonam «Ab achovie historyka-kulturnaj spadčyny», adpaviadaje katehoryi «najbolš unikalnych kaštoŭnaściaŭ, duchoŭnyja, estetyčnyja i dakumentalnyja jakaści jakich ujaŭlajuć mižnarodnuju cikavaść».
Padpisanty prosiać pravieści pravierku i vyznačyć, chto i čamu źmianiŭ achoŭnuju zonu kala ŭročyšča Kurapaty z 300 da 100 mietraŭ, na padstavie čaho było praviedziena źmianšeńnie achoŭnaj zony, i pryciahnuć vinavatych da adkaznaści.Taksama jany patrabujuć pryciahnuć da adkaznaści čynoŭnikaŭ, jakija pastavili svaje podpisy pad dakumentami ab vydzialeńni ŭčastka pad budaŭnictva restarannaha kompleksu.
Taksama aŭtary zajavy patrabujuć pravieryć dziejnaść kiraŭnictva kampanij-zakazčykaŭ,«jakija budaŭnictvam dadzienaha zabaŭlalnaha kompleksu ŭ miescy masavych rasstrełaŭ našych prodkaŭ, abjekta kulturna-histaryčnaj kaštoŭnaści respublikanskaha značeńnia, abražajuć histaryčnuju pamiać i nacyjanalny honar biełaruskaha naroda».
Aŭtary zajavy patrabujuć spynić «niezakonnaje budaŭnictva restarannaha kompleksu» i pravieści pravierku zakonnaści ŭžyvańnia słova «bulbaš» u nazvach firmaŭ i pradukcyi na terytoryi Biełarusi.Jany ličać, što ŭžyvańnie słova «bulbaš», «hetak ža jak "maskal" abo "čurka", — heta ŭ pieršuju čarhu prajava ksienafobii i nacyjanalnaj nianaviści na pobytavym uzroŭni i parušeńnie Kanstytucyi Respubliki Biełaruś».
Kopii zajavy nakiravanyja staršyni Kamitetu dziaržkantrolu Alaksandru Jakabsonu, staršyni Mienabłvykankamu Barysu Baturu i ministru kultury Paŭłu Łatušku.
0
0
0
0
0
0
