My pahutaryli pra siamiejnyja i sieksualnyja kaštoŭnaści ź dziaŭčatami, jakija mieli znosiny z zamiežnikami. Dla poŭnaj ščyraści razmovy adbyvalisia na ŭmovach ananimnaści.
— U Vieniesuele ja apynułasia pa raźmierkavańni paśla zakančeńnia MDŁU — pracavała pierakładčycaj na budoŭli. Chase ja zaŭvažyła ŭ pieršy ž dzień. Jon byŭ budaŭnik, maładziejšy za mianie na paŭtara hoda. Praź niekalki dzion ja prapuściła aŭtobus, jaki razvoziŭ nas pa kvaterach, i Chase prapanavaŭ padkinuć mianie na mocyku. My abmianialisia numarami i na nastupny dzień pajechali na plaž. Vieniesuelcy vielmi haračyja: kali im chtości padabajecca, jany adrazu kidajucca ź miesca ŭ karjer — u jakaści siabroŭ my pratrymalisia čatyry dni, a praz tydzień užo žyli razam.
Hałoŭnaje adroźnieńnie vieniesuelcaŭ u tym, što jany absypajuć ciabie kamplimientami. Jany kažuć «Maja karaleva», «Sens majho žyćcia» i h.d. Zakachany vieniesuelec adpraŭlaje na dzień nie mienš za 50 SMS.Ja atrymlivała ad Chase prosta šykoŭnyja SMS: «Tabie napeŭna ciapier horača, i ty ŭsia ŭzmakreła? Ja chacieŭ by vysušyć tvoj pot svaim jazykom».
Ale prablema ŭ tym, što jany vielmi ščadralubnyja: dla ich usie žančyny — pryhožyja, a słavianki — naohuł, bo vałasy śvietłyja i skura. Chase kazaŭ, što mužčyna — jak akuła, kali čuje pach kryvi.
A voś toje, što łacinaamierykanskija kachanki — niešta asablivaje, napałovu mif. Napačatku sieks ź imi fiejeryčny: takija rečy mohuć tvaryć! Dalej usio robicca zvyčajnym. Non-stopu pa 10 hadzinaŭ dakładna nie budzie, našyja chłopcy mohuć bolš.Tut praściej staviacca da aralnaha sieksu — dla ich heta narmalova. Adnak Chase nikoli nie chadziŭ pry žančynie biez majki, na vulicach nie całavaŭsia, pra sieks na rypučym łožku pry susiedziach za ścienkaj i razmovy nie było.
Ty ŭ Vieniesuele — karaleva pryhažości. Jany vielmi lubiać pyšnyja formy. Ja nie vielmi chudaja, ale tam ja nie zusim ajs. U Chase była lubimaja teleprahrama, dzie dziaŭčaty ź piatym pamieram i dupami-čamadanami. Ja kažu: «Jana ž, kali siadzie na ciabie, raściśnie». A jon mnie: «Nu kłasna ž!»
Nakont chatnich spravaŭ — mačyzm tut prahresuje. Tydzień ja pasprabavała žyć, jak taho žadaŭ Chase: prychodzić z pracy, prybiracca, hatavać ježu. Chutka mnie ŭžo ničoha nie chaciełasia. Zatoje vieniesuelcy vielmi pavažajuć žančyn i nikoli nie kryčać na ich.
U kožnaha vieniesuelca jość pistalet, byŭ jon i ŭ Chase. Adnojčy ja paprasiła jaho dać mnie pastralać. Mačyzm cikava pracuje — žančyn tut nikoli nie buduć abšukvać, a chłopcaŭ mohuć i dahała raspranuć.Tamu pistalet viezła ja. Nas spyniła Nacyjanalnaja hvardyja, bo zvyčajna šmat bandytaŭ jeździć na mocykach.
Mnie było tak strašna — ja razumieła, što ja inšaziemka, a na hetym pistalecie mahła być vialikaja kolkaść zabojstvaŭ. Adnak mianie nie abšukali. Škada, što ź pistaleta pastralać nie ŭdałosia — kuli adsyreli.
Vieniesuelcy vielmi surjozna staviacca da dziaciej. Časam, kali my hulali pa kramach, jon kazaŭ: «Viedaješ, čaho nam ciapier nie chapaje? Nam nie chapaje našaha maleńkaha Chase!» Kali ja pačała pić samatužnyja miascovyja supraćzačatkavyja tabletki, praz tydzień ja adčuvała kožny svoj orhan. Ja paskardziłasia jamu, čamu dziaŭčaty pavinny prachodzić praz bol: pić tabletki, naradžać? Usio baluča. A jon mnie na poŭnym surjozie: «Ja viedaju adkaz. Jeva ŭ rajskim sadzie źjeła jabłyk». I potym užo, kali razyšlisia, jon nazvaŭ jašče adnu pryčynu, čamu tak stałasia: «Ty parušyła śviatyja suviazi šlubu — ty pieralubnica». Ja zamužam, z mužam nijakich znosinaŭ nie majem, ale nijak nie raźviadziemsia.
Pryčynaj taho, što my razyšlisia, pasłužyła dzicio. Pryčym zrabiŭ jon jaho ŭ toj čas, kali my sustrakalisia. Jon pačaŭ sychodzić ad mianie z roznych nahodaŭ: to treba zastacca doma, to jaho suročyli, i być kala jaho niebiaśpiečna.Ja viedała, što ŭ jaho jość peŭnyja prablemy — kali my tolki pačali sustrakacca, vorahi sustrakali jaho la płotu ź pistaletami. A potym jaho pieršaje kachańnie pačała kamiencić maje fotki na Facebook. Da taho ž adna ź jaho byłych dziaŭčat pačała pisać zvaroty da mianie: «Jakaja ž ty idyjotka! Och, i padkinie tabie žyćcio siurpryzy!» Ja zrazumieła, što ŭsie sieryjały — heta nie prydumka, jany realnyja.
Mnie pryjšłosia prykłaści peŭnyja namahańni, kab vyklikać jaho na razmovu. Realnaść pieravysiła ŭsie čakańni: «Toje, što ja tabie skažu zaraz, budzie praŭdaj — da taho ja tabie šmat p...ŭ. Ja ciabie vielmi kachaju, ale bolš my nie možam być razam». Jon byŭ ździŭleny, što ja zdahadałasia pra ciažarnaść i nie pamyliłasia z žančynaj — heta była Kataryn, jaho pieršaje kachańnie. Da taho ž jon pryznaŭsia, što ŭvieś čas, kali my sustrakalisia, u jaho było šmat žančyn. Maŭlaŭ, vybačaj, voś taki ja.
Potym užo karennyja vieniesuelcy tłumačyli: «Heta jak masturbacyja — ty ž nie raŭnuješ da jaho pravaj ruki. My nie možam prajści mima pryhožaj dziaŭčyny: čamu b i nie, kali jana nie suprać?»
Samaje sumnaje, što ciapier mnie nie cikavyja biełaruskija chłopcy. Navat na fizičnym uzroŭni vieniesuelcy našmat pryjemniejšyja. Sorak hradusaŭ haračyni, a jany pachnuć, jak anioły! Zaharełaja skura vielmi hładkaja. Akramia taho, u štanach ciabie čakaje pryjemny siurpryz – tam jany epilujucca. Dyj naohuł, z budoŭli jany vychodziać na vulicu nibyta dla klipa 50 Cent zdymacca: kiepki, džynsy, maječki, dobraja parfuma.
U mianie potym jašče była nievialikaja intryžka z 19-hadovym indziejcam. Jon taksama chacieŭ ad mianie dačku z maimi viasnuškami. Vy kali-niebudź bačyli, kab u Biełarusi 19-hadovy chłopiec chacieŭ dziaciej ad 25-hadovaj ciotki?
Praciah historyj čytajcie TUT.
